 | |
"Бид хамтдаа" үндэсний форум эдийн засгийн асуудлаар үргэлжилж байна
МАН-аас санаачлан зохион байгуулж буй "Бид хамтдаа" үндэсний форум
хоёр дахь өдрөө амжилттай үргэлжилж байна. Өгчигдөр буюу эхний өдөр улс
төрийн тулгамдсан асуудлаар чуулсан бол өнөөдөр Монгол улсын эдийн
засгийн хөгжлийн бодлогын асуудлаар чуулж байна.
Тусгаар тогтнолын ордонд 10 цагаас эхэлсэн хоёр дахь өдрийн форумд
УИХ-ын гишүүн Ж.Эрдэнэбат, Хөгжил шинэчлэлийн хорооны дарга асан
Л.Зориг, УИХ-ын гишүүн Сү.Батболд нар илтгэл тавих юм байна. Яг одоо "Монгол улсын хөгжлийн бодлого" сэдвээр УИХ-ын гишүүн Сү.Батболд илтгэл тавьж байна.
Өнөөдөр "Банк санхүүгийн салбарт тулгамдсан асуудал", Уул уурхайн
салбарын тулгамдсан асуудал, шийдвэрлэх арга зам", "Үйлдвэржилт, хөдөө
аж ахуйн салбарын тулгамдсан асуудал, шийдвэрлэх арга зам", "Бизнесийн
орчны тулгамдсан асуудал, шийдвэрлэх арга зам", "Дэд бүтцийн салбарын
тулгамдсан асуудал, шийдвэрлэх арга зам", "Байгаль орчин, ногоон хөгжил,
аялал жуулчлалын салбарын тулгамдсан асуудал, шийдвэрлэх арга зам"
гэсэн салбар хуралдаанууд Тусгаар тогтнолын ордонд болно.
