| |
Видео
Шинэ мэдээ
ДУНДГОВЬ АЙМГИЙН МХГ-ААС СУМДЫН ЭРҮҮЛ МЭНДИЙН ТӨВҮҮДИЙН БЭЛЭН БАЙДЛЫГ ШАЛГАЖ БАЙНА
Монгол Улсын Ерөнхийлөгчийн 10-р зарлиг, Засгийн газрын 62-р тогтоол, МХЕГ-ын даргын A/28 тушаалын дагуу өндөржүүлсэн бэлэн байдлын зэрэгт шилжсэнтэй холбогдуулан МХЕГ-ын даргын 2020 оны 01 дүгээр сарын 27-ны өдрийн 01/01 тоот албан даалгаврын хэрэгжилтийг хангуулах үүднээс Баянжаргалан, Өндөршил, Гурвансайхан сумын Эрүүл мэндийн төвүүдийн тусгаарлах өрөөний бэлэн байдалд хяналт шалгалт хийхэд 60-70 хувьтай байлаа. Нийтлэгээр тусгаарлах өрөөнд илэрч буй дутагдлууд:
1. Эмч, эмнэлгийн ажилчдын өмсөх хамгаалах хувцас хэрэгслийн нөөцийг тусгаарлах өрөөнд байрлуулсан;
2. Спиртэн суурьтай гар халдваргүйтгэх бодис, гар арчих нэг удаагийн сальфетка байхгүй;
3. Ариутгал, халдваргүйтгэлийг журмын дагуу хийж гүйцэтгээгүй;
4. Дуут дохио, холбоо мэдээллийн хэрэгслээр хангаагүй;
5. Тусгаарлах өрөөнд байвал зохих эм, тариагаар бүрэн хангагдаагүй;
6. Хүчилтөрөгч өтгөрүүлэгч, соруулах аппаратны нэрмэл усанд хаяг байрлуулаагүй;
7. Ариутгал, халдваргүйтгэл хийсэн хөтөлгөө, бүртгэл байхгүй;
8. Хамгаалах хувцас хэрэгслийг зөв өмсөх, тайлах ажиллагаа хангалтгүй;
9. Хамгаалах хувцас хэрэгслийн нөөцийг бүрэн тооцоолоогүй, дутуу бүрдүүлсэн / 1 өдрийн нөөцтэй/ зэрэг нийтлэг дутагдлууд илэрсэн.
Дээрх дутагдлуудын 88 хувийг шалгалтын явцад арилгууллаа. Гурвансайхан сумын эрүүл мэндийн төвийн тусгаарлах өрөөнөөс 8 нэр төрлийн 8 ширхэг 21510 төгрөгний үнэ бүхий хадгалах хугацаа дууссан дусал, тариаг илрүүлж, газар дээр нь устгууллаа. Тус 3-н сумын Эрүүл мэндийн төвийн нийт 38 эмч, эмнэлгийн ажилчдад хувийн хамгаалах хувцас хэрэгслийг өмсөх, тайлах дарааллаар дадлага сургуулилт хийлээ.
Хяналт шалгалт үргэлжилнэ...