|
Видео

Шинэ мэдээ

13-11-2019, 13:37

Миллениалууд ядуу амьдарч, эрт үхэх хандлагатай гэв

Миллениалууд буюу1981-1996 онд төрсөн хүмүүс өмнөх Х үеийнхэн буюу 1961-1981 онд төрөгсөдтэйгөө харьцуулбал эрүүл мэнд нь амархан муудаж, нас барах магадлал 40 хувиар илүү гэнэ. Америкийн хараат бус даатгагчдын Blue Cross Blue Shield Association (BCBS) холбооноос гаргасан 32 хуудас бүхий тайланд энэ тухай тэмдэглэжээ.

 

Судалгаанаас үзэхэд энэ үеийнхний гол асуудал нь даралт ихсэх өвчин, холестериний түвшин өндөр, мөн хүнд хэлбэрийн сэтгэл гутрал, амиа хорлолт өндөр, тун хэтрүүлэн хэрэглэсний улмаас амиа алдах үзэгдэл гэнэ.

Миллениалуудын эрүүл мэнд сулаас болж ойрын жилүүдэд эрүүл мэндэд гаргах зардал ч өснө гэж эдийн засагчид үзэж байна. Тэдний эмчилгээнд өмнөх үеийнхний эмчилгээнээс ч их зардал гарна. АНУ-д л гэхэд 4,5 мянга орчим ам.долларын зардал дунджаар гарна гэжээ.

Үүнээс гадна миллениалууд эрүүл мэндийн асуудлаасаа болоод ажлаа үр дүнтэй хийж чадахгүй гэдгийг мэргэжилтнүүд анхааруулж байна. 1981-1996 онд төрсөн олон хүн өвчнөөсөө болоод ажилгүйдэлд өртөх эрсдэлтэй гэжээ.

Эх сурвалж: iz.ru

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.