|
Видео

Шинэ мэдээ

Улс орныхоо ашиг сонирхлыг эн тэргүүнд тавихыг Д.Трамп уриалав

 

Улс орныхоо ашиг сонирхлыг эн тэргүүнд тавихыг Д.Трамп уриалав

 

НЬЮ-ЙОРК. /TASS/.Улс орныхоо ашиг сонирхлыг нэгдүгээрт тавихыг АНУ-ын Ерөнхийлөгч Дональд Трамп дэлхийн удирдагчдад уриалжээ.

"Өнгөрсөнд суулгасан бүтэл муутай хандлагаасаа би татгалзсан. Америкийг нэгдүгээрт тавина гэдгээ би бардам хэлнэ. Та бүхэн мөн улс орноо эн тэргүүнд тавих хэрэгтэй. Ингэх нь энгийн зүйл юм” хэмээн тэрбээр НҮБ-ын Ерөнхий Ассамблейн 75 дугаар чуулганы өндөр түвшний улс төрийн ерөнхий хэлэлцүүлгийн үеэр видеогоор үг хэлэхдээ мэдэгдсэн байна.

Ирэх 11 дүгээр сард болох АНУ-ын ерөнхийлөгчийн сонгуульд ялна гэж итгэж байгаагаа Д.Трамп илэрхийлэхийн сацуу ирэх жил НҮБ-ын Ерөнхий Ассамблейн хүрээнд болох өндөр түвшний долоо хоногт дэлхийн удирдагчид биечлэн оролцоно гэж найдаж байгаагаа мэдэгдэв.

Түүнчлэн тэрбээр ард иргэдийнхээ ашиг сонирхолд санаа тавьдаг гэдгээ хэлж, бусад удирдагчаас ч мөн ийм хандлагыг хүлээж байгаагаа мэдэгджээ. Ийм тохиолдолд л олон улсын хамтын ажиллагааны үндэс суурь жинхэнэ утгаараа тавигдана гэж Д.Трамп үзэж байна.


Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.