|
Видео

Шинэ мэдээ

28-05-2020, 09:50

Шар өвсний түймрээс сэргийлье

Ой хээрийн гал түймрээс урдчилан сэргийлэх ажлыг зохион байгуулах хүрээнд  СХД-ийн ногоон бүсийн ойн эргүүлээр хяналт шалгалтыг зохион байгуулж байна.

СХД-н хэмжээнд одоогийн байдлаар шар өвсний 4 дуудлага иржээ. Ард иргэд  хашаа хороогоо цэвэрлэх гээд шар өвсөө шатааж байгаагаас гал алдах эрсдэл үүсдэг байна. Шар өвсөө шатаах шаардлаггүй зөвхөн хогонд ачуулах хэрэгтэйг, гал алдсанаар өөрийн болон бусдын эд хөрөнгөнд аюул учруулах тохиолдол илэрч байгааг СХД-н ОБХ-ийн Гал түймрийн ахлах байцаагч хошууч н.Ариунболд анхаарууллаа. Энэ тохиолдолд зөрчлийн хуулиар арга хэмжээ авагддаг байгаа.

Зөрчлийн тухай хуулийн  5.14.4.1 дэх заалтад иргэн, хуулийн этгээд галын аюулгүй байдлаа хангах үүргээ биелүүлээгүй гэсэн заалт байгаа. Энэ нь иргэнийг 100 нэгжтэй тэнцэх төгрөгөөр, хуулийн этгээдийг 1000 нэгжтэй тэнцэх төгрөгөөр мөн дээрээс нь гарсан хохирол нөхөн төлбөрийг барагдуулна гэж заасан. Тэгэхээр ард иргэд маань өнжмөл шар өвсийг шатаахгүй байх хэрэгтэй юм.

2019 онд СХД-н хэмжээнд 679 түймэр бүртгэгджээ. Үүнээс 19 нь шар өвсний түймэр байсан байна. 2020 он гараад 84 түймэрийн дуудлагатай үүнээс 4 шар өвсний түймэр бүртгэгджээ.

Мөн ард иргэд маань бага насны  хүүхдүүдээ гэртээ хараа хяналтгүй орхихгүй байх, пийшэн зуухныхаа аюулгүй байдлыг хангаж гэмтэлтэй зуух хэрэглэхгүй байх нь зүйтэй гэж зөвөлмөөр байна.

СХД-ийн хэмжээнд Корона вирусийн эсрэг Нийслэлийн онцгой байдлын газрын даргын баталсан хувиарын дагуу амралтын өдрүүдэд  дүүргийн ногоон бүсээр амралт зугаалгаар яваа иргэдийг тараах, бөөгнөрөл үүсгэхгүй байх, үүнээс урдчилан сэргийлэх  ажил явагдаж байна.

Шар өвсний түймрээс сэргийлье

 

Шар өвсний түймрээс сэргийлье

 

Шар өвсний түймрээс сэргийлье

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.