 | |
Видео
Шинэ мэдээ
Дундговь аймгийн Онцгой байдлын алба хаагчид гал түймэр унтраах тархалтын сургууль зохион байгууллаа.
Дундговь аймгийн Онцгой байдлын газрын хамт олон Гал түймэртэй тэмцэх байгууллага байгуулагдсаны 98 жилийн ойн баярыг тохиолдуулан алба хаагчдын мэргэжлийн ур чадварыг дээшлүүлэх, багаар ажиллах чадавхыг сайжруулах зорилгоор "Марш тактик- тусгай бэлтгэл”-ийн тэмцээнийг энэ сарын 12-ны өдөр зохион байгуулсан билээ. Тэмцээнд нийт 5 баг оролцсоноос Тэргүүн байранд Ахмад Б.Одбаяр захирагчтай 3 дугаар салаа, Дэд байранд Ахмад Ц.Доржпүрэв захирагчтай 1 дугаар салаа, Гутгаар байранд дэслэгч Э.Булган захирагчтай 4 дүгээр салааны тамирчид тус тус шалгарлаа.
Тэмцээн нь инженерийн саадыг давах, Хөдөлмөр хамгааллын хувцас өмсөх, Гал унтраах байлдааны тархалт, Гранат шидэх, АКА-47 бууны задаргаа, угсаргаа, магзен сумлах даалгавруудыг өртөөлөн гүйцэтгэж нийт 5 километрийн замыг туулж өрсөлдсөн юм.
Харин тэд өнөөдөр тус аймгийн Боловсрол соёл урлагийн газарт гал түймэр унтраах тархалтын сургууль зохион байгууллаа. Энэ үеэр Гал түймэр унтраах бэлтгэл бэлэн байдлыг дээшлүүлэн болзошгүй гал түймрийн аюулын үед түргэн шуурхай ажиллах талаар объектын онцлогыг судлаж, шуурхай карт хөтлөн алжилтнуудад гал түймэр унтраах анхан шатны багаж хэрэгслийг ашиглах дадлага зохион байгууллаа.
ЭРСДЭЛГҮЙ ДУНДГОВИЙН ТӨЛӨӨ ХАМТДАА
ДУНДГОВЬ АЙМГИЙН ОНЦГОЙ БАЙДЛЫН ГАЗАР
Санал болгох:
