| |
Төрийн албаны Ерөнхий шалгалтын бүртгэл 2020 оны 1 дүгээр сарын 1-нээс 30 ны өдөр хүртэл явагдана.
Төрийн албаны тухай хуулийн 33 дугаар зүйлийн 33.7-д заасны дагуу төрийн жинхэнэ алба хаах хүсэлтэй иргэнийг сонгон шалгаруулах, нөөц бүрдүүлэх зорилгоор 2020 оны Төрийн албаны ерөнхий шалгалтыг Төрийн албаны зөвлөлийн хуралдаанаар хэлэлцэж товыг тогтоож, олон нийтэд мэдээлсэн байна.
Иргэний хүсэлт болон бүрдүүлэх баримт бичгийг Төрийн албаны зөвлөлийн цахим хуудсаар дамжуулан цахимаар хүлээн авах бөгөөд бүртгэл 2020.01.01-нээс 2020.01.30-ны хооронд явагдах юм байна. Харин шалгалт нь 2020.02.07-ноос 2020.02.17-ны хооронд зохион байгуулна.
Шалгалт өгөх иргэдийн хуваарийг 2020 оны 2 дугаар сарын 5-ны өдөр Төрийн албаны зөвлөлийн цахим хуудсанд байршуулах бөгөөд шалгалтыг "Төрийн албаны ерөнхий шалгалт, өгөх болзол, журам”-д заасны дагуу орон даяар нэгэн зэрэг аймаг, нийслэлийн салбар комисс зохион байгуулна.
Иргэд шалгалтын явцын мэдээллийг http://www.csc.gov.mn/ хаягаас тухай бүрд нь авч байх боломжтой юм байна.