Вэб холбоос

Ойрхи Дорнод дахь Палестины дүрвэгсдийн асуудал хариуцсан НҮБ-ын тусламжийн агентлагийн дарга Матиас Шмале Газын зурвас дахь Палестин дүрвэгсдэд тусламж үзүүлэхийг уриаллаа.

"АНУ-аас манай байгууллагад өгдөг байсан санхүүжилтийг Ерөнхийлөгч Дональд Трампын Засаг захиргаа зогсоосны улмаас бид санхүүжилтийн хомсдолд ороод байна. Газын зурвас дахь нөхцөл байдал хүнд байгаа бөгөөд бид хоол хүнсний тусламжийг эн тэргүүний зорилтоо болгоод байна. Мөн төсөв хязгаарлагдмал байгаагийн улмаас бусад үйл ажиллагаагаа явуулах боломжгүй болсон гэж тэрбээр мэдэгдэв.

Үүний зэрэгцээ санхүүгийн асуудлаас болж ажлын байрны тоо болон ажиллах цагийг багасгахаас өөр аргагүйд хүрлээ гэж тэрбээр мэдэгдээд, энэ сарын сүүлээр хичээлийн шинэ жил эхлэх эсэхэд санаа зовж байгаагаа илэрхийлсэн байна.

Мөн тэрбээр энэхүү мэдэгдлээрээ дамжуулан Япон улсаас тусламж хүсэж байгаагаа илэрхийлээд, бидний санхүүжилтийн асуудлыг зохицуулах арга зам олж өгөхийг олон улсаас хүслээ.