|
Видео

Шинэ мэдээ

Сургууль, цэцэрлэгүүдийн засварын ажил хангалтгүй байна

Сургууль, цэцэрлэгүүдийн засварын ажил хангалтгүй байнаНМХГ-аас хичээлийн шинэ жил эхлэх гэж байгаатай холбогдуулан нийслэлийн хэмжээнд үйл ажиллагаа явуулж буй  ерөнхий боловсролын 36 сургууль, 43 цэцэрлэг, 6 оюутны дотуур байранд шалгалт хийжээ.

Нийслэлийн хэмжээнд хэд, хэдэн сургууль , цэцэрлэгийн засварын ажил тендерийн маргааны улмаас дуусаагүй байгаа аж. Тухайлбал, Баянгол дүүргийн 20, 40-р сургуулиуд тендерийн маргаанаас болон засварын ажил дуусаагүй, 124-р цэцэрлэгийн гадна талбайн засвар арчлалтын тендер зарлагдаагүй байна. Мөн Сонгинохайрхан дүүргийн 62 сургууль болон 81 цэцэрлэг төсөв батлагдаагүйн улмаас засвар хийж чадаагүй аж.

Иймээс НМХГ-аас дээрх сургууль, цэцэрлэгүүдэд хичээлийн шинэ жил эхлэхээс өмнө засвар арчлалтын ажлуудыг дуусгах, хичээл эхэлсэн үеэр барилгын засварын ажил хийж байгаа тохиолдолд  аюулгүйн ажиллагааг дээд зэргээр хангаж ажиллах үүрэг өгчээ.

М.Үүрийнтуяа

Эх сурвалж: "Монцамэ" агентлаг

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.