|
Видео

Шинэ мэдээ

Сурагчдын амралт эхэлж буй тул эцэг, эхчүүд хүүхдэдээ тавих хараа хяналтаа сайжруулж, зам тээврийн осолд өртөхөөс сэргийлнэ үү

Сурагчдын амралт эхэлж буй тул эцэг, эхчүүд хүүхдэдээ тавих хараа хяналтаа сайжруулж, зам тээврийн осолд өртөхөөс сэргийлнэ үү

 

Тээврийн цагдаагийн албаны жижүүрийн шуурхай удирдлагын төвд өнгөрсөн долоо хоногт 1,203 дуудлага мэдээлэл хүлээн авснаас зам тээврийн ослын шинжтэй 843 дуудлага мэдээлэл бүртгэгджээ.Бүртгэгдсэн зам тээврийн ослын улмаас 26 нь нийслэлд, 12 нь орон нутагт 12 буюу нийт 38 хүн гэмтэж бэртжээ. Дөрвөн хүн ослын улмаас нас барсан байна. Мөн хүүхэд өртсөн 16 осол бүртгэгдэж, 19 хүүхэд гэмтжээ. Насны хувьд 5-18 насныхан байна.

Энэ долоо хоногоос эхлэн сурагчдын амралт эхэлж буй тул эцэг, эхчүүд хүүхдэдээ тавих хараа хяналтаа сайжруулж, зам тээврийн ослоос сэргийлнэ үү. Согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцож осол гаргасан 11 тохиолдол бүртгэгдсэн болохыг Тээврийн цагдаагийн албанаас мэдээллээ.

Орон нутгийн замд хөдөлгөөнд оролцох үедээ автомашины бүрэн бүтэн байдал, шатахуун, тослох материал, дулаан хувцас, хүнсээ хангаж, цаг агаар, зам орчныхоо нөхцөл байдалд хурдаа зөв тохируулж хөдөлгөөнд оролцохоос гадна архи, согтууруулах ундааны төрлийн зүйл хэрэглэсэн үедээ тээврийн хэрэгсэл жолоодохгүй байхыг Тээврийн цагдаагийн албанаас анхааруулж байна.

Сэтгэгдэл

АНХААРУУЛГА: Уншигчдын бичсэн сэтгэгдэлд www.KINGNEWS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.