![]() |
“Скай хайпермаркет” ХХК буюу Имартаас “Өрх бүрт мод тарья” аяны хүрээнд 500 айл өрхөд мод тарьж эхлүүллээ
Монгол Улсын Ерөнхийлөгчийн санаачилсан “Тэрбум мод” хөтөлбөрийг дэмжин, тогтвортой хөгжлийн бодлогын хүрээнд цаг уурын өөрчлөлтийг багасгах, цаг уурын өөрчлөлтийн нөлөөллийг бууруулах зорилгоор 2016 оноос эхлэн Имартын хамт олон мод тарих аяныг өрнүүлдэг уламжлалтай.
2020 оноос УИХ-ын гишүүн С.Батболдын санаачилгаар Дундговь аймагт цаг уурын өөрчлөлтийн нөлөөллийг буруулах зорилгоор мод тарих ажлыг эхлүүлсэн.
Харин энэ жил “Өрх бүрт мод тарья” аяны хүрээнд Дундговь аймгийн 500 айл өрхөд 3000 мод, суулгацыг хамтран суулгах ажлыг эхлүүлж байна. Ингэхдээ сайн дурын үндсэн дээр 500 өрхийг сонгосон бөгөөд нэг өрхөд зургаан төрлийн модны тарьц, суулгац болон бордоог хүлээлгэн өгч, иргэдийг мод тарих, арчлах сургалтад хамрууллаа.
Дундговь аймгийн нутаг дэвсгэрийн 90 орчих хувь нь цөлжсөн гэх судалгаа бий. Тиймээс тарих модоо сонгохдоо орон нутгийн цаг агаарын онцлогт тохирсон, ургах чадвар сайтай говийн бүст үрслүүлэн нутагшуулсан хайлаас, буйлс, сухай зэрэг моднуудын суулгацыг өрх бүрийн хашаанд тарьсанаараа онцлог юм.
Тус аймагт цөлжилттэй тэмцэх ажлыг эрчимжүүлэхээр Имартын хамт олон дан ганц тарих суулгацаас гадна сургалтын баг болон сургагч багш, бордоо, усалгааг бүрэн шийдвэрлэж өгснөөрөө давуу талтай юм.
Дашрамд дурдахад, Имарт хамт олон Тогтвортой хөгжлийн зорилгын хүрээнд чанартай боловсролыг дэмжих, уур амьсгалын өөрчлөлтийн нөлөөг бууруулах, үндэсний үйлдвэрлэгчдийг дэмжих зорилтот аян гэх мэт нийгмийн төлөөх сайн үйлсийн үйл ажиллагааг тогтмол санаачлан хэрэгжүүлж ирсэн юм.
![](/templates/kingnews/images/logo.png)