Монгол улсад залуучуудын байгууллага үүсэж хөгжсөний 100 жил, Монголын үндэсний бөхийн холбооны 30 жил, Монгол бөх дэлхийн дээд амжилт Гиннест бүртгүүлсний 10 жилийн ойд зориулсан хүчит бөхийн барилдааны гурвын даваа яг одоо явагдаж байна. Гурвын даваанд Улсын Аварга Э.Оюунболдыг допингтой холбоотой цолыг нь хураах шүүхийн шийдвэр гарсан учраас Улсын Арслан Ц.Содномдорж тэргүүтэй бөхчүүд Арслан цолтой барилдах ёстой хэмээн эсэргүүцээд байсан. Тэгвэл маргаан эцэслэгдэж Аварга цолтой барилдсан юм. Улмаар Э.Оюунболд аварга гурвын даваанд Улсын арслан Ц.Содномдоржийг амлан авч барилдан олныг гайхшруулсан. Хоёр бөхийн барилдаан тийм ч удаа үргэлжилсэнгүй Э.Оюунболд аварга давж гурав дахь даваагаа авсан байна.
Энэ бөхийн барилдаанд допинг хэрэглэсэн нь тогтоогдож шийтгэл хүлээсэн хэд хэдэн бөхчүүд барилдаж байгаа. Улсын арслан Р.Пүрэвдагва, Улсын харцага Б.Бат-Орших нар барилдахынхаа өмнө олон түмнээс уучлалт хүссэн. Харин Улсын Аварга Э.Оюунболдын хувьд шүүхээс цолыг нь хураах шийдвэр гарсан ч ерөнхийлөгч албан ёсоор зарлиг гаргаагүй учир энэ удаагийн барилдаанд Улсын аварга цолтойгоор оролцож байгаа юм.
