|
Видео

Шинэ мэдээ

Гаазтай ундаа, содатай ус тархинд цус харвахад нөлөөлдөг

Гаазтай ундаа, содатай ус тархинд цус харвахад нөлөөлдөг

 


Гаазтай ундааг хүний биед муу талаар дэлхий даяараа хангалттай ярьж байгаа. Тэгвэл сүүлийн үеийн судалгаагаар хүмүүсийн уух дуртай өөр нэг зүйл болох содатай усыг мөн л эрүүл мэндэд онцгой хортой бүтээгдэхүүнээр тодруулжээ. Америк эрдэмтдийн хийсэн судалгаанд хамрагдсан ахимаг насны зүрхний өвчтэй болон хэт таргалалттай эрэгтэй, эмэгтэй хүмүүсийн дийлэнх нь гаазтай ундаа, содатай ус зэргийг бага залуугаасаа эхэлж их хэмжээгээр хэрэглэсэн хүмүүс байжээ.

Тэдгээр хүмүүс зүрхний ямар нэгэн өвчтэй байгаад зогсохгүй сахартай байснаас гадна тархины цус харвалтанд өртөх магадлал нь гаазтай ундаа, содатай ус хэрэглэдэггүй хүмүүсийнхээс илүү өндөр хувьтай гарсан аж. Энэхүү судалгаагаар 12 жилийн турш тасралтгүй гаазтай болон бусад чихэрлэг ундааг уусан ахимаг насны эмэгтэйчүүдийн цөөнгүй хувь нь цэвэршилт явагдсаны дараачаас эхэлж тархины цус харвалтанд өртөх магадлал нь ийм төрлийн ундаа огт хэрэглэдэггүй эмэгтэйчүүдийнхээс 23 хувиар өндөр байжээ.

Мөн тэдгээр эмэгтэйчүүдэд тархины судас хатуурах үзэгдэл ч ажиглагдсан гэнэ. Түүнчлэн уг судалгааг хийсэн эрдэмтэд гаазтай чихэрлэг ундаа, содатай уснаас гадна энергийн ундааг хүний биед огт тохирохгүй бүтээгдэхүүн хэмээн үзэж буйгаа хэлж байна. Хэдийгээр гаазтай ундаа, содатай ус, энергийн ундаа зэргийг их уулаа гээд шууд тархины цус харвалтанд хүргэчихгүй ч эдгээр бүтээгдэхүүнүүд нь нас ахих тусам цус харвах магадлалыг улам нэмэгдүүлдэг болохыг эрдэмтэд ийнхүү тогтоожээ.

Эх сурвалж: Time


Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.