 | |
SocialPay 3.0 хувилбарыг 2023 оны “Шилдэг төсөл”-өөр нэрлэлээ
Голомт банкнаас илүү хурдан, илүү УХААЛАГ, илүү дэвшилтэт төлбөр тооцооны цогц үйлчилгээг зөвхөн нэг аппликэйшнээс авах боломжийг бүрдүүлэн дижитал хэтэвч SocialPay аппликэйшнийг дахин загварчилж 3.0 хувилбарыг хэрэглээнд нэвтрүүлээд байгаа билээ. Дахин загварчлагдсан SocialPay 3.0 хувилбарт төлбөр тооцооны үндсэн үйлчилгээнээс гадна NFC гүйлгээ хийх, виртуал зээлийн карт захиалах, QPay ашиглан төлбөр тооцоо хийх, дуу хоолойгоор мөнгө илгээх болон нэхэмжлэх, Iwatch ашиглан шилжүүлэг хийх зэрэг технологийн ухаалаг шийдлүүдийг багтаасан олон шинэ функцуудыг нэмсэн нь хэрэглэгчдийн талархлыг хүлээж, эерэг үнэлгээ аваад байгаа юм.
Харин “Пи Эм Ай Монголиа Чаптэр”-аас зохион байгуулсан “ШИНЭ ҮЕИЙН ХУРДАСГУУР: Ирээдүйн төслийн удирдагч нарыг хүчирхэгжүүлэх нь” олон улсын бага хурлаас SocialPay 3.0 хувилбарын төслийн удирдлагын туршлага, арга аргачлалыг үнэлэн 2023 оны “Шилдэг төсөл”-өөр онцолж, өргөмжиллөө.
Бага хурлыг зохион байгуулагчдын зүгээс Голомт банкны SocialPay 3.0 нь дэлхий даяар төсөлд суурилсан эдийн засагт шилжиж буй энэ үед хиймэл оюун ухаан, дэвшилтэт технологиор дамжуулан хэрэглэгчдийнхээ өдөр тутмын амьдралын хэв маяг болон ажил хөдөлмөрийг хөнгөвчилж, илүү хүчирхэг ирээдүйг бүтээхэд дэмжлэг болохуйц үр дүнтэй төсөл болж чадсаныг сайшаан дурдсан юм.
Төслийн удирдлагын бага хурлын талаар: Төслийн удирдлагын бага хурлыг АНУ-д төвтэй Төслийн удирдлагын институт (PMI) байгууллагын Монгол дахь салбараас 8 дахь жилдээ уламжлал болгон зохион байгуулж байна. Тус арга хэмжээ нь олон улсын туршлагатай төслийн мэргэшсэн удирдагч нар болон эрдэмтдийн төлөөллийг урин төсөлд сонирхолтой болон энэ салбарт ажилладаг залууст олон улсын туршлагаас суралцах, төслийн менежментийн стандартуудыг нэвтрүүлэх, амжилттай төслийн арга барилаас хуваалцах зорилготой. Энэ удаагийн бага хуралд нийт 600 гаруй хүн оролцож, хиймэл оюун ухаан ба төслийн удирдлага, өгөгдлийн шинжилгээ, ажайл шилжилт ба байгууллагын өөрчлөлт зэрэг сүүлийн үеийн чиг хандлага болсон сэдвүүдээр илтгэл, хэлэлцүүлгүүдийг сонсож, харилцан ярилцлаа.
Голомт банкны SocialPay аппликэйшний шинэчлэгдсэн хувилбар нь таны санхүүгийн харилцаа, амьдралын хэв маягийг хялбарчлан банк болон төлбөр тооцооны үйлчилгээг нэг дороос, илүү ойроос, хурдан шуурхай авах боломжийг бүрдүүлж, технологийн дэвшилтэт шийдлүүдийг танд хүргэнэ.
So smart SocialPay…
