Вэб холбоос

Гурван хоногийн турш дагавар хүүхдүүдээ тамлан тарчлаан зодсон хойд эцгийн хэрэг нийгмийг ихээхэн бухимдуулж байна. Тодруулбал, иргэн Т гэгч нь өөрийн дагавар хүү болох 4 настай Э, 6 настай М нарыг гурав хоногийн турш тамлаж, онц хэрцгийгээр зодож гэмтээсэн юм. Үүний улмаас 4 настай Э нь сарын хугацаанд 9 хагалгаанд орж, биеийн байдал нь тааруу байна. 

Тэгвэл хойд эцэг болох Т-г ШШГЕГ-ын харьяа цагдан хорих 461 дүгээр ангид саатуулж байна. Түүнийг нэг сарын хугацаагаар цагдан хориод байгаа аж. Мөн түүнд ЭХ-ийн 11 дүгээр зүйлийн 11.1.1, 11.1.2.2, 11.1.2.3 дахь зүйл заалт буюу "Хүний эрүүл мэндэд хүнд хохирол санаатай учруулсан, хохирогчийг тохуурхан доромжилж үйлдсэн, бие махбодын, сэтгэл санааны шаналал, зовиур үүсгэж үйлдсэн гэх зүйл ангиар хэрэг үүсгэн шалгаж байгаа юм байна. 

Б.Аз

Zaluu.com