 | |
ОХУ: Дэлхийн интернет сүлжээ тасарсан ч бид бэлэн байх ёстой
Барууны эрх баригчид ОХУ-ын эсрэг төрөл бүрийн хориг арга хэмжээ авч, талуудын харилцаа хүйтэн хөндий байгаа. Тэрчлэн, Оросуудыг АНУ-ын Ерөнхийлөгчийн сонгуулийн хар машиныг хакердсан гэх мэдээлэл тархаад буй.
Тэгвэл ОХУ-ын Интернетийн хүрээлэнгийн удирдах зөвлөлийн дарга Герман Клименко "Оросын интернетийн салбарыг тогтвортой байлгах нэн шаардлагатай боллоо. Дэлхийн интернет сүлжээ тасарсан ч бид бэлэн байх ёстой” гэжээ.
Түүний ярьснаар интернетийн холбогдох хууль тогтоомжийг илүү нарийвчилснаар интернетийн бие даасан, халдашгүй дархан байдал бий болох боломжтой. Гэхдээ энэ нь ОХУ-ыг дэлхийн интернэт сүлжээнээс тусгаарлана гэсэн ойлголт биш аж.
Герман Клименко ярихдаа "Шинэ хууль нь интернет хэрэглэгчдэд ямар ч хохирол учруулахгүй” гэжээ. Түүний ярьснаар өнгөрсөн онд ОХУ-ын банк санхүүгийн хэд хэдэн байгууллагын интернетийн сүлжээнд гаднаас халдан довтолсон таван тохиолдол бүртгэгдсэн. Тиймээс интернетийн аюулгүй байдлаа сайжруулах шаардлагатай байгаа аж.
