Цөмийн зэвсэг хадгалах, дэлхийд тогтвортой байдал зарчмыг ОХУ дэмжихгүй байгаагаараа ОХУ, БНАСАУ хоёр л АНУ-д цөмийн зэвсгээр заналхийлж байна гэж АНУ-ын Батлан хамгаалахын сайд Эштон Картер хэлсэн байна. Пентагоны тэргүүн саяхан Умард Дакотад цэргийн албан хаагчидтай уулзах үеэрээ ингэж мэдэгджээ.
Тэр бас Умард Атлантын эвсэлтэй сөргөлдсөн бодлогодоо Орос улс цөмийн зэвсэг хэрэглэхгүй байх талаас нь НАТО, түүний холбоотнууд бололцоотой бүхнийг хийж байна гэсэн байна. Сайд НАТО ийм сөргөлдөөн үүсгэхгүй байх, харин ч үүнийг хязгаарлахын төлөө байгаа гэжээ.
Пентагоны тэргүүн БНАСАУ-г цөмийн асуудлаар АНУ-д заналхийлж байгаа хоёр дахь гүрэн гэж нэрлэсэн байна. Үүнээс сэргийлэхийн тулд АНУ Өмнөд Солонгост агаараас эсэргүцэн хамгаалах систембайрлуулна гэдгээ ч хэлсэн байна.
ОХУ-ын Гадаад хэргийн сайд Сергей Лавров үүний өмнө цөмийн зэвсгээс бүрэн татгалзана гэдэг бол популизм, стратегийн тогтвортой байдлыг бий болгох бодлогыг өөрчлөх гэсэн оролдлого гэсэн юм.
