 | |
Өнөөдөр болох үйл явдал
10.00 цагт: Нийслэлийн Цэргийн штабаас 2015 онд хийж хэрэгжүүлсэн ажлын талаар мэдээлэл хийх хэвлэлийн бага хурал Хангардийн 14 давхарт болно. Утас: 99077535
10.00 цагт: Улаанбаатар хотын цагдаагийн газрын 2015 онд хийж гүйцэтгэсэн ажлаа дүгнэх, хамт олноо хошуучлан ажилласан шилдэг алба хаагчдад шагнал гардуулах арга хэмжээ "Соёлын төв өргөө"-нд болно.
11.00 цагт: Монгол Улсын Сонгуулийн Ерөнхий Хороо Азийн бүс нутгийн уулзалт семинарт оролцож буй сонгуулийн байгууллагатай санамж бичигт гарын үсэг зурна. Арга хэмжээ СЕХ-ны байранд болно.
11.00 цагт: Уул уурхайн сайд Уул уурхайн яамны хурлын танхимд цаг үеийн асуудлаар мэдээлэл хийнэ. Утас: 99034350
12.00 цагт: "Мэргэжлийн боловсрол сургалтын байгууллагын төгсөгчдийн хөдөлмөр эрхлэлтийг дэмжих" хөтөлбөрийн хүрээнд Залуучууд, төгсөгчдийг байнгын ажлын байртай болгох, бизнесийн эхлэл, санаачлагыг хэрэгжүүлэхэд нь дэмжих, оюутнууд хичээлээсээ хөндийрөхгүйгээр ажил хөдөлмөр хийж туршлагажих, орлого олоход нь дэмжих зорилгоор тоног төхөөрөмж нийлүүлэх үйл ажиллагаа Үйлдвэрлэл урлалын политехникийн коллежийн байранд болно. Утас: 99767480
14.00 цагт: Нийтийн үйлчилгээний "Улаанбаатар" нэгтгэлийн захиргааны ажилчид явган хүний замын цас цохиж цэвэрлэнэ. Үйл ажиллагаа Улаанбаатар нэгтгэлийн баруун салбар дээр болно. Утас: 96000177
