 | |
Дүрэм зөрчвөл “эрүүдэн шүүнэ”
МОСКВА /RIA Novosty/. Хятадын Шэньжэнь хотын хэв журам сахиулагчид автозамын осол гарах гол
шалтгаан болоод буй холын гэрэл шилжүүлэхгүй байгаа жолооч нартай шинэ
аргаар тэмцэхээр болжээ.
Гэрэл шилжүүлэхгүй байгаа жолооч нарыг эргүүлийн машины урд гэрлийг таван минутын турш харуулах гэнэ. Үүнээс гадна, дүрэм зөрчигчид уг дүрмийг зөрчсөн тохиолдол ямар аюул учирч болох талаар лекц сонсч, мөнгөн торгууль төлнө гэж "Independent” сонинд мэдээлжээ.
Шэньжэнь хотын цагдаагийн газар орон нутгийн "Weibo” нийгмийн сүлжээнд шийтгэлийг тайлбарласан зураг бүхий анхааруулга тавьсан байна.
Гэхдээ үнэн хэрэгтээ Хятадын цагдаагийн энэ мэдээлэл нь тоглоом, шоглоом аж. Орон нутгийн нийгмийн сүлжээний идэвхтэй хэрэглэгчид болох хэв журам сахиулагчид ийм маягаар жолооч нарыг "хатуу шийтгэхээр” шийджээ.
Нутгийн оршин суугчдын зарим нь тоглоомд итгэн хуультай зөрчилдөж байна хэмээн эсэргүүцэж байсан бол зарим нь эсрэгээрээ цагдаа нарын санаачилгыг дэмжиж байсан байна. Бас нэг хэсэг нь шийтгэлийг бүр хэтэрхий зөөлөн бөгөөд "эрүүдэн шүүх” хугацааг 25 минут болгон сунгахыг санал болгосон байна.
Д.Жаргал
montsame
