 | |
Малайз, Филиппинд “МЕРС” бүртгэгджээ
Дархлаа муутай хүнд халдварласан л бол үхэлд хүргэж мэдэх Титэм вирус Өмнөд Солонгост хурдацтай тархаж, улмааср Тайландад бүртгэгдээд байсан юм. Ойрхи Дорнодоос гаралтай амьсгалын хам шинж буюу "МЕРС” титэмт вирус дахин хоёр улсад шинээр бүртгэгдлээ. Уг вирусаар Малайз, Филиппин улсуудад гурван хүн халдварласан болохыг "www.dailymail.co.uk” мэдээллээ.
Халдвар авсан иргэд Саудын Араб улсад зорчоод ирсэн байжээ. Тэдний биеийн байдал нь хэвийн байгаа гэдгийг ДЭМБ-ын удирдлагууд мэдээлсэн байна.
Халдвар авсан хүмүүсийг тусгаарласан бөгөөд тусгай эмчилгээ хийж байгаа гэнэ. Өнөөдрийн байдлаар 172 хүн "МЕРС”-ийн халдвар авч, 27 хүн амиа алджээ.
Азийн орнуудад "МЕРС” тархах эрсдэлтэй байгааг АНУ-ын Эрүүл мэндийн яамнаас мэдээлж байгаа бөгөөд халдвар авч, улмаар амиа алдсан хүмүүсийн 90 хувь нь архаг, хууч өвчтэй хүмүүс болохыг тогтоогоод байна. "МЕРС” Өмнөд Солонгос, Тайланд, Малайз, Филиппин, Саудын Араб болон Ойрхи Дорнодын ихэнх улсад бүртгэгджээ.
Тиймээс вирус гарсан улс орнуудад аль болох зорчихгүй байхыг эрүүл мэндийн байгууллагаас анхааруулсаар байгаа юм.
