 | |
Вьетнамын тэрбумтан эмэгтэйд залилангийн хэргээр цаазаар авах ял оноолоо
Энэ бол Вьетнамд болсон хамгийн хачирхалтай шүүх хурал байсан бөгөөд дэлхийн түүхэнд байгаагүй хамгийн том банкны луйврын хэрэг болж байна. Тус улсын томоохон банкуудын нэгийг 11 жилийн хугацаанд дээрэмдсэн хэргээр 67 настай вьетнам үл хөдлөх хөрөнгө эзэмшигч, тэрбумтан эмэгтэйд цаазаар авах ял оноохоор болоод байна.
Труонг Ми Лан гэх эмэгтэй нь Сайгоны арилжааны банкнаас 44 тэрбум доллар буюу 35 тэрбум фунт стерлингийн зээл авсан хэргээр ял сонссон байна. Прокурорууд "27 тэрбум долларыг хэзээ ч эргүүлэн авах боломжгүй" гэж мэдэгдэв. Эх сурвалжуудын мэдээлж байгаагаар 2700 хүн мэдүүлэг өгөхөөр дуудагдсан бол 10 улсын яллагч, 200 орчим өмгөөлөгч оролцжээ.
Нотлох баримт нь нийт зургаан тонн жинтэй 104 хайрцагт байсан. 85 яллагдагчийг Труонг Ми Лантай хамт шүүж байна. Мөн түүнтэй хамт өөр 13 хүнд цаазаар авах ял оноохоор шүүхээс төлөвлөжээ.
