|
Видео

Шинэ мэдээ

БНАСАУ Орос руу хэзээ ч зэвсэг экспортолж байгаагүй гэж мэдэгджээ

БНАСАУ Орос руу хэзээ ч зэвсэг экспортолж байгаагүй гэж мэдэгджээ

 

ПЁНЬЯН. /Reuters/. 
БНАСАУ-ын Зэвсэгт хүчин Орос руу хэзээ ч зэвсэг экспортолж байгаагүй бөгөөд ингэх төлөвлөгөө байхгүй гэж пүрэв гарагт мэдэгджээ. Ингэснээр хоёр орны хоорондын зэвсгийн наймаатай холбоотой мэдээллийг няцаасан байна. 
 
Энэ сарын эхээр АНУ-ын Төрийн департаментын хэвлэлийн төлөөлөгч мэдээлэхдээ, Орос БНАСАУ-аас "олон сая пуужин, их бууны сум” худалдан авах ажиллагаа явагдаж байж магадгүй гэсэн байна. Энэ нь НҮБ-ын Аюулгүйн Зөвлөлийн БНАСАУ-тай холбоотой олон тогтоолыг зөрчсөн үйлдэл юм. 
 
Харин үүний хариуд БНАСАУ-ын Зэвсэгт хүчний төлөөлөгч хэвлэлийн мэдэгдэл хийсэн бөгөөд ийм мэдэгдлийг тун ховор гаргадаг. "Бид Орос руу зэвсэг, сум хэзээ ч экспортолж байгаагүй бөгөөд экспортлох ч төлөвлөгөөгүй байна” гэж БНАСАУ-ын Батлан хамгаалах яамны Зэвсэг техникийн ерөнхий товчооны дэд дарга мэдэгдсэнийг Солонгосын цахилгаан мэдээний агентлаг /KCNA/ уламжилжээ. "KCNA” төлөөлөгчийн нэрийг тодорхой дурдаагүй байна.
 
 
Э.Хулан
Эх сурвалж: "Монцамэ" агентлаг

Сэтгэгдэл

АНХААРУУЛГА: Уншигчдын бичсэн сэтгэгдэлд www.KINGNEWS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.