| |
Видео
Шинэ мэдээ
Тусгаарлалтад байгаа иргэн архи авч байгаад баригджээ
Улсын онцгой комиссын шийдвэрээр гадаад улсаас татан авсан Монгол Улсын иргэдийг Чингэлтэй дүүргийн дөрөвдүгээр хорооны нутаг дэвсгэрт үйл ажиллагаа явуулдаг "Цэлмүүн трейд” ХХК-ий "Дрийм-1, 2” зочид буудалд байрлуулж, тусгаарлаж байгаа билээ. Тусгаарлалтанд байгаа иргэдийн аюулгүй байдал болон гарч болзошгүй зөрчлөөс урьдчилан сэргийлж ажиглах хамгаалалтыг Экологийн цагдаагийн албанаас хариуцан ажиллаж байна.
Хамгаалалтын явцад тус зочид буудлын туслах тогооч Ө нь дөрөвдүгээр сарын 16-ны өдөр 0.75 литрийн согтууруулах ундааг зочид буудлын хашааны завсраар бусдаас авах гэж байгаад цагдаагийн алба хаагчдад баригджээ.
Алба хаагчид согтууруулах ундаа авах гэж байсан үйлдлийг таслан зогсоож Зөрчлийн тухай хуулийн 5.13 дугаар зүйлийн 5.13.1 дэх хэсэгт заасны дагуу 150.000 төгрөгийн торгуулийн арга хэмжээ тооцсон байна.
http://www.npost.mn/a/166772