 | |
ОХУ олон улсыг холбодог интернет сүлжээнээс гарах туршилтыг эхлүүлэх гэнэ
ОХУ-ын эрх баригчид цахим аюулгүй байдлаа хамгаалах зорилгоор олон улсыг холбодог интернэт сүлжээнээс гарч, бие даах туршилтыг эхлүүлэх болсон тухай ТАСС агентлаг мэдээлжээ. Туршилт ирэх дөрөвдүгээр сараас эхлүүлэх гэнэ.
Интернэт сүлжээнээс гарснаар ОХУ-ын нийгмийн амьдралын тухай мэдээ, нийтлэлүүд зөвхөн дотоод хэрэгцээнд зориулагдана. Иргэд интернэтэд орохгүй байх нь цахим халдлагаас сэргийлэх хамгийн зөв алхам болно гэж тус улсын эрх баригчид үзэж байгаа гэнэ.
Туршилт, төслийг хэрэгжүүлэхэд их хэмжээний хөрөнгө шаардагдахаас гадна иргэдийн оролцоотой дэмжлэгүүд чухал нь байх гэнэ. НАТО болон АНУ зэрэг барууны орнууд ОХУ-ын Засгийн газрыг олон улсад кибер халдлага зохион байгуулдаг хэмээн байнга буруутгаж ирсэн. Нэг жишээ нь 2016 оны АНУ-ын Ерөнхийлөгчийн сонгуулийн дүнд ОХУ нөлөөлсөн гэх дуулиан юм.
2018 онд Төрийн думын гишүүд парламентдаа бие даан үйл ажиллагаагаа явуулах технологийн шинэчлэл хийх хуулийг төслийг танилцуулжээ. Төсөлд "DNS” гэх дотоодын сүлжээг бий болгох асуудал багтсан байжээ. Тус улс дотоодын сүлжээтэй болсоны дараа олон улсад байрлах серверүүд доголдсон ч өөрсдийн сүлжээ тасралтгүй, бие даан ажиллах давуу талтай гэж үзэж байгаа юм байна.
