Вэб холбоос

Өчигдөр УИХ дахь АН-ын бүлэг Ерөнхий сайдад Ч.Сайханбилэгийн нэрийг дэвшүүлсэн ҮЗХ-ны шийдвэрийг хэлэлцэж, хуралдаанд оролцсон 29 гишүүнээс 19 нь түүнийг дэмжсэн байна. Харин 10 гишүүн дэмжихгүй гэсэн санал өгсөн нь АН-ын шинэхэн дарга З.Энхболдыг багагvй бухимдуулсан дуулдав. Өөрөө намын дарга болсныхоо дараахан Шонхор фракциа С.Эрдэнэ гишүүнд албан ёсоор хүлээлгэн өгч, ямар нэгэн фракцид харьяалагдахгүй гэдгээ зарласан З.Энхболд дарга нам доторх бүлэг, фракцийг төдийлөн дэмжихгvй гэдгээ саяхан мэдэгдэж байсан.
 
Тэгтэл түүний тэрхүү мэдэгдлийг эсэргүүцэж байгаа АН доторх эсэргүүнүүд тийм ч амархан бууж өгөхгvй бололтой. Монгол Улсын 28 дахь Ерөнхий сайдыг нэг өдөр ч алдалгvй яаралтай тодруулах шаардлагатай байгааг эрх баригч намын гишүүд төдийгvй сөрөг хүчнийхэн ч тун ноцтой ойлгож, мэдэрцгээж байгаа. Байдал тун базаахгүй байгаа учир АН-ын шинэхэн дарга З.Энхболдоос эхлээд бүлгийн дарга Д.Эрдэнбат тэр байтугай эсэргүү Х.Баттулга хүртэл ойлгож "за” гэсэн байна.

Ч.Сайханбилэгийн төлөө Х.Тэмүүжин, бас нэгэн эсэргүү М.Зоригт, Д.Ганхуяг, С.Одонтуяа, Ш.Тvвдэндорж, Ц.Оюунгэрэл, С.Эрдэнэ, С.Баярцогт, А.Бакей, Г.Батхүү, нөгөөх алдарт Ж.Батзандан, Я.Санжмятав, Р.Гончигдорж, Л.Эрдэнэчимэг, Д.Батцогт төдийгvй нэр дэвшигч Ч.Сайханбилэг өөрөө ч өөрийнхөө төлөө нэг санал харамгvй хайрласан байгаа юм. Vнэхээр байдал тун эгзэгтэй байгаа энэ цаг үед өөрөө өөрийнхөө төлөө санал өгч байгаад ч хамаагvй Ерөнхий сайдын сэнтийд залраад л авах хэрэгтэй. Байдал ийм базаахгvй байгааг мэдсээр байж Б.Наранхvv, Б.Гарамгайбаатар, Г.Баярсайхан /Шонхор/,Р.Амаржаргал /МVДН/, Б.Болор /МVДН/, Д.Арвин /Шонхор/, Р.Бурмаа /МоАХ/, Д.Зоригт /МVДН/, Н.Батбаяр /МVДН/, М.Батчимэг /Нэг ардчилал/ зэрэг эсэргүүнүүд бас л дахин "үгүй” гэцгээжээ. Тэдний дунд байгаа Н.Батбаяр, Д.Зоригт, Р.Амаржаргал, Р.Бурмаа, Б.Гарамгайбаатар нарын хашруудыг "хязгааргvй гомдогсод” хэмээн ойлгож болох ч З.Энхболд даргыг бараадаж гүйсээр АН-ын босгыг давсан Д.Арвин, хэн хүний уур хүргэж байж ухамсрын шанаа аваад явдаг Г.Баярсайхан, хэлтэй амтай нь сайн мэдэгд­дэггvй Б.Наранхүү, хэний талынх нь сайн ялгагд­даггүй Б.Болор, нам­ынхаа шийдвэрийг эсэргүүцсэн энэ үйлдлээрээ нэгдүгээр хүнээс зэмлэл сонсож ч болзошгvй М.Батчимэг нарын үйлдлийг гайхах хүмүүс олширч байна.

Хэдийгээр УИХ-ын гишүүний халдашгvй бүрэн эрхээр хэний төлөө, юуны тулд саналаа өгөх нь тэдний бүрэн эрх ч намынхаа шийдвэрийн эсрэг удаа дараа тэрслэн босоод байгаа эсэргүү зоригийнх нь ард чухам хэний, ямар эрх ашиг яваад байгааг ойлгоход бэрх болов. Ямартай ч тун удахгvй АН-ын даргын бvрэн эрхийг их хурлынхаа индрээс тосч авах З.Энхболд дарга өчигдөр намын бvлгийнхээ хурлаас байдгаараа урвайчихаад, хэзээний түргэн түргэн алхсаар гарч ирж байгаа нь тун удахгvй халуухан юм болохын дохио гэж учир мэдэх хvмvvс тайлбарласан юм. Ер нь л тун удахгvй эрх баригч АН-ынхан удаа дараа, урван тэрсэлдэг, олонхийн шийдвэрийн эсрэг тэрсэлддэг эсэргүүнүүдтэйгээ эвлэршгvй тэмцэх нь маргаангvй боллоо. З.Энхболд дарга эсэргvv 10-аа хэрхэн шийтгэхийг харах, хvлээх л үлдэж байна.