 | |
Видео
Шинэ мэдээ
Бизнес эрхлэгчид 100 орчим сая төгрөгийн борлуулалт хийв
"Архангайн түншлэл 2018” үзэсгэлэн худалдааны төгсгөлд орон нутагт үйлдвэрлэж буй бараа, бүтээгдэхүүн, үйлчилгээний шилдгийн шилдгийг шалгаруулдаг уламжлалтай. Үзэсгэлэн худалдааны Гран при шагналыг "Амин чанар” сүүний уургийг үйлдвэрлэдэг "Бага рашаант” ХХК авсан бол хамгийн эрэлттэй бүтээгдэхүүнээр ЭБ сумын иргэн н.Содномсамбуугийн монгол гутал, модон эдлэлийн төрөлд Жаргалант сумын иргэн С.Жамсранбазарын модон эдлэл шилдэг болжээ. Үзэсгэлэн худалдаанд оролцогчид жилээс жилд нэмэгдэж, бараа бүтээгдэхүүнийхээ сав баглаа боодол, хаяг шошгыг шинэчилж, стандартын дагуу бэлтгэж оролцдог болсон байна. Энэ жилийн үзэсгэлэн худалдаанд Эрдэнэбулган сумын "Алтаад” цагаан идээний үйлдвэр эрхлэгч Б.Лхагважаргалын сав баглаа боодол шилдэг болжээ.
Тариат сум хамгийн идэвхтэй оролцсон сумаар, шилдэг малын түүхий эд бүтээгдэхүүнээр Өлзийт сумын иргэн Н.Сайханжаргал, шилдэг гар урлалын бүтээгдэхүүнээр ЭБ сумын "Төгс зохицолд хийц" ХХК, шилдэг сүү, сүүн бүтээгдэхүүнээр Тариат сумын иргэн П.Эрдэнэчимэгийн цагаан идээ, төмс, хүнсний ногоо, жимс жимсгэнээр ЭБ сумын тариаланч С.Нарангэрэл нар тус тус шалгарчээ.
Санал болгох:
