Вэб холбоос

 

 

Хичээлийн шинэ жил эхлэхэд 10 гаруйхан хоног үлдлээ. Эцэг эхчүүд, хүүхэд багачууд, оюутнууд хичээлийн шинэ жилийн бэлтгэлээ базаах томоохон ажлыг, нэг цэгт төвлөрүүлэн цаг завыг нь хэмнэх зорилгоор бичиг хэрэг, цүнх, сурагчийн дүрэмт хувцас, гутал, пүүз, оймс гээд бүхий л хэрэгцээг багтаасан100 орчим аж ахуй нэгж бөөний худалдаа эрхлэгчдийн "Хичээлийн шинэ жил-2016” үзэсгэлэн худалдаа нийслэлийн төв талбайд болох гэж байна.

Энэ нь маргааш буюу сарын 20-ны Бямба гарагаас эхлэн ирэх сарын сарын 5-ныг дуустал үргэлжлэх юм байна. Үзэсгэлэнг Нийслэлийн Засаг даргын Тамгын газар, Сүхбаатар дүүргийн Засаг даргын Тамгын газар, Глобал Ивэнт ХХК хамтран зохион байгуулж байгаа юм байна. Үзэсгэлэн худалдааны үеэр хүүхэд багачууд, залуучуудад зориулсан "3-ын эсрэг 3” сагсан бмбөгийн тэмцээн, Боловсролын үзэсгэлэн яармаг, шатар даамны тэмцээн, гар зургийн уралдааныг зохион байгуулах аж. Мөн Цэрэндоржийн гудамжинд хичээлийн хэрэгслийн өргөтгөсөн худалдаа явагдаж байгаа бөгөөд ирэх сарын 10-ныг хүртэл үргэлжлэх гэнэ.

Д.Од