 | |
”+17”-ийн залуус амжилтандаа ханав уу?
Залуусыг байлдан дагуулаад буй "+17" цувралын арваад анги үзэгчдэд хүрээд буй. Богино хугацаанд олныг хамарч ёстой л хит болоод буй тус цувралын сүүлийн ангиуд өмнөх ангиудаа гүйцэхгүй байна хэмээх шүүмжлэлд өртөөд буй. Телевизийн ярилцлага, шоу нэвтрүүлгүүдийн хойморт заларч, кино, рекламын саналд даруулах болсон залуус цувралдаа анхаарал хандуулж чадахгүй болсон уу? эсвэл сэдэв нь дууссан уу? муу цуврал гарах болсон хэмээн гомдол дагуулах болов. Цувралаас олсон ашгаараа кино хийх төлөвлөгөөтэй байгаа хэмээгээд авсан залуус уг шүүмжлэлийг хүлээн авсан бололтой үзэгчдээ нэгэн судалгаанд хамруулж эхэлжээ. "+17" контентийн эрэлт хэрэгцээ, цаашид хөгжүүлэх боломж, арга замыг тодорхойлоход оршиж буй тус судалгаа хэр үр өгөөжөө өгөх нь дараа дараагийн ангиудаас харагдах биз ээ.
Б.Болор
Эх сурвалж : Factnews.mn
