 | |
Бие биенээ үздэггүй байсан Женко, Ц.Оюунгэрэл хоёр юуны учир сүжрэх болов
2012-2016 оны засагт нэг тогоонд хамт чанагдаж явсан "Женко” Х.Баттулга, Ц.Оюунгэрэл хоёр бие биенийхээ талаар дэндүү сайн мэдэх хүмүүс. Тиймдээ ч нэг нэгнээ үздэггүй байсан хоёр гэв гэнэт иргэн Г.Доржзодовын асуудал дээр нэгдсэн нь хүмүүсийн гайхшралыг ихэд төрүүлээд байна. Чухамхүү "Женко” Х.Баттулга шиг муу хүн байхгүй хэмээн ил цагаан мэдэгдэж, түүний тэргүүлдэг МоАХ фракцаас гарч байсан Ц.Оюунгэрэл өдгөө Женкогийн Ерөнхийлөгчийн сонгуулийн ажилд туслахаар шийдэв үү, эсвэл АНУ-ын ядуу буурай орнуудад хэрэгжүүлдэг танил технологийг хэрэгжүүлэхэд туслахаар шийдэв үү, ямартай ч тэр хоёр хамтраад эхэллээ.
АНУ-аас Сири, Ливи зэрэг орнуудад хэрэгжүүлсэн хувьсгалын технологитой ижил зүйл сүүлийн хэдэн өдрүүдэд Монголд яг болох шахлаа. Ард түмнийг нь хоёр талцуулан хагаралдуулдаг, ардын дундаас нэгэн хүн /Г.Доржзодов/-ийг онцлон гаргаж ирж ивээлдээ авдаг, ивээн тэтгэдэг, тэр хүнээрээ дамжуулан төрийн эсрэг үйл ажиллагаа явуулдаг, улмаар төр засгийг нь нураадаг энэхүү технологийг бид Сири, Ливийн жишээнээс хангалттай харсан. Ингэж талцуулан хагаралдуулах нь манайх шиг төр засаг нь тогтворжиж ядаж буй эмзэг орнуудад туйлын хүндээр тусч, бусдын идэш болсон бодит жишээнүүд бий. Мэдээж төр улсыг нь самарч нураахын цаана том гүрний байгалийн баялаг цөлмөх гэсэн атгаг санаа нуугдаж байдгийг одоо хүмүүс ойлгодог болсон.
Тэгвэл АНУ-ын энэхүү танил технологийг Америк нөхөртэй, УИХ-ын гишүүн асан Ц.Оюунгэрэл хэрэгжүүлэх гэв үү. Яагаад заавал Ц.Оюунгэрэл энэ асуудалд оролцов. Тэгээд очиж очиж Женкогийн үйл хэрэгт хамтрах болов. АНУ гаднын орнуудын сонгууль, ялангуяа Ерөнхийлөгчийн сонгуульд нь хөндлөнгөөс оролцдог байдал бүр газар авсан.
Энэ жишгээр Ардчилсан нам, "Женко” Х.Баттулга Америк нөхөртэй Ц.Оюунгэрэлийг ашиглав уу, эсвэл Ц.Оюунгэрэл үүнээс өөр ятгалгаар Г.Доржзодовын хэрэгт оролцов уу бодох л асуудал. Тэгээд Г.Доржзодовыг гэртээ байлгасан нь хүссэн ч, хүсээгүй ч Г.Доржзодовоор дамжигдан Монголын улстөр, Монголын Ерөнхийлөгчийн сонгуульд АНУ оролцоно гэдгийг Ц.Оюунгэрэл тооцоолсон л байж таараа. Тиймдээ л түүнийг гэртээ байлгасан байх. Цагдаагийнхны зүгээс иргэн Г.Доржзодовтой уулзаж, түүнийг хамгаалалтад авахаар УИХ-ын гишүүн асан Ц.Оюунгэрэлийнд очиход тэрбээр гэртээ байгаагүй ба түүний нөхөр Жеф "Би бол АНУ-ын иргэн. Тиймээс АНУ-ын Элчин сайдын яаманд л зөвхөн тайлбар өгнө” хэмээн хаалгаа тайлаагүй аж.
Ингээд АНУ-ын иргэний гэрт нэвтрэх боломжгүй болсон Монголын хууль хяналтын байгууллага сонгуульд Ардчилсан нам иргэн Г.Доржзодовыг өөрийн дураар ашиглахад гар мухардаж байна. Уг нь иргэн Г.Доржзодовын дэлгээд байгаа 60 тэрбумын асуудлыг шалгадаг газар нь шалгаад, үнэхээр бичлэг дээр яриад байгаа шиг зүйл болсон эсэхийг тогтоочихмоор л юм байгааншд. Хүмүүс гэртээ, найз нөхөдтэйгээ, ер нь ойр дотны хэнтэйгээ юу ярих нь тийм ч сонин биш, янз бүрийн л зүйл ярьж байдаг. Гол нь тэрийгээ хийсэн үү, хэрэгжүүлсэн үү эсэх нь л сонин. Гэтэл 60 тэрбумыг цуглуулсан гэсэн нотолгоогүй хий хоосон бичлэг үзүүлээд хүмүүсийг шүүх гээд байгаа нь, бас АН, МАХН-д иймэрхүү яриа болдоггүй юм шиг аашлаад байгаа нь Ардчилсан намынхныг үнэхээр муухай харагдуулж байна.
Ардчилсан намынхны зүгээс иргэн Г.Доржзодовыг ашиглаж Ерөнхийлөгчийн сонгуулийн гол өрсөлдөгч М.Энхболд болон эрх баригч МАН-ыг харлуулах ажил хийж буй. Үүнийгээ ч Ерөнхийлөгчийн сонгуулийн гол хөзрөө болгочихоод байгаа.
Ямар сайндаа, иргэн Г.Доржзодов, АН-ын хоорондох тохироо, нууц ярианы талаар ганц ч үг цухуйлгахгүй атлаа МАН тэгсэн, МАН ингэсэн л гээд байдаг. 60 тэрбумын бичлэгээ МАН-д 1 сая ам.доллараар зарах гээд чадаагүй Г.Доржзодов АН-аас, Женкогоос хэдийг авахаар тохирчихов.
Үүнээс Ц.Оюунгэрэл ч гэсэн хувь хүртэхээр л тохирсон биз. Тэгээд ч Ц.Оюунгэрэл зүв зүгээр иргэн Г.Доржзодовыг гэртээ байлгаж, өөртөө асуудал үүсгэх үү. Болоогүй Г.Доржзодовыг нөхөртөө манай хамаатны дүү гэж танилцуулах гэж байгаа. Олон жил ханилсан нөхөртөө Ц.Оюунгэрэл худлаа хэлж, нөхөр нь ч ямар учиртайг нь асуухгүйгээр Г.Доржзодовыг гэртээ хэд хонуулж, улмаар түүнийг өмгөөлж Монголын хууль хяналтын байгууллагад "томорсон” юм байх. Анхнаасаа бүгд тавилттай жүжиг байсан гэдгийг одоо олон нийт ойлгож эхэлж байгаа байх. Ер нь Г.Доржзодовын хувьд багаасаа л амар хялбар аргаар их хэмжээний мөнгө олох гэсэн нэгэн байсан талаар хүмүүс тэр бүр мэддэггүй.
Хүүхэд ахуй наснаасаа хулгай, дээрэм хийж, дэлгүүр ухаж байсан гээд түүний үйлдсэн гэмт хэргүүд бий. Ангийнхаа хүүхдүүдтэй нийлж дэлгүүр ухаад баригдсан, энэ хэргийн улмаас нэг хүүхэд нь хоёр жилийн ял авч, Г.Доржзодов өөрөө 80 мянган төгрөгөөр торгуулсан гэдэг. 1994-1995 оны үеийн 250 мянган төгрөг их мөнгө байсан. Ийм хэмжээний хохирол учруулчихаад зүгээр шахуу гарсан Г.Доржзодов гэмээ ухаарч засрах нь битгий хэл гар утасны хулгайч болсон, одоо ч гэсэн хоёр намын дунд гүйж аль тал нь мөнгө өгсөнд үйлчилж байгаа нь түүнийг ерөөсөө засраагүйг илтгэж байна.
Удахгүй Г.Доржзодов төмөр замаас насаараа идэх мөнгө цохьсон Женкогийн "пацаанууд” шиг АНУ уруу дүрвээд алга болохыг байг гэх газаргүй. Тэгээд Ч.Ганбат шиг би АНУ-ын иргэн, П.Бат-Эрдэнэ шиг би Австралийн иргэн та нар яах юм гээд Монгол руугаа салаавч өгөөд хэвтэх биз. Ерөөсөө гаднын иргэншилтэй, нууцаар давхар иргэншил авсан, эсвэл Женко, Ц.Оюунгэрэл мэтийн гадаад эхнэр, нөхрүүдтэй улсуудынхаа иргэншлийн асуудлыг нэг шалгана байгаа. Бас төрд ажиллуулахдаа болгоомжтой ханддаг баймаар байна. Эс бөгөөс хулгай хийж, хууль зөрчиж зөрччихөөд гадагшаа зугтаачихдаг, эсвэл гадаад эхнэр, нөхрийнхөө улсаар Монголыг доромжлуулдаг байтал хэрээс хэтэрлээ.
Төгс
