Вэб холбоос

 

"Рио-2016” зуны олимпийн наадам эхлэхэд дөрөв хоног үлдээд байгаа билээ. Олон улсын баг тамирчид хэдийнээ "Рио-2016” хотхонд байрлаад байгаа. Тэгвэл Бразилийн нийслэл Рио де Жанейро хотод ирээд байгаа Австрали улсын баг, тамирчдын байрласан байрны хонгилд багахан хэмжээний гал гарсан тухай "Dailymail” агентлаг мэдээллээ.

Уг байрнаас тамирчдыг нүүлгэн шилжүүлсэн бөгөөд гэмтэж, бэртсэн хүн байхгүй гэнэ. Эх сурвалжийн мэдээлж буйгаар галын шалтгаан тамхинаас болсон бөгөөд тамхи татах хориотой бүсэд гал гарснаасшалтгаалан асуудал үүсч болзошгүй байгаа аж.

Австралийн тамирчдын хувьд өнгөрсөн долоо хоногт Бразилд ирсэн ч тав тухгүй байранд орохгүй гэж мэдэгдэж байсан юм. Тэд усны хоолойноос дусаал гоожиж, үүдний өрөөний гэрэлтүүлэг муу, бохир заваан, цахилгаан холбоо үүссэн хэмээн гомдол мэдүүлсэн байдаг. Тамирчдын гомдлыг шуурхай барагдуулж, засвар хийсний дараа австраличууд уг байранд орсон аж.