 | |
Видео
Шинэ мэдээ
Сурагчийн жинхэнэ дүрэмт хувцас энгэртээ ЕБС гэсэн тэмдэгтэй
-250 ОРЧИМ МЯНГАН ХҮҮХЭД ДҮРЭМТ ХУВЦАС АВАХ ЗАХИАЛГА ӨГЧЭЭ- Ерөнхий боловсролын сургуулийн сурагчдын дүрэмт хувцсыг өнгөрсөн жилээс үндэсний үйлдвэрүүд нэгдэн оёж сургуулиудад нийлүүлж байгаа. Манай улсад 520 мянган сурагчийн иж бүрэн дүрэмт хувцас хэрэгтэй гэсэн судалгаа гарч байсан. Тэгвэл өнгөрсөн жил үүний тал хувийг үйлдвэрлэж нийлүүлсэн аж. Харин энэ жил шинээр элсэх зургаан настныг оруулаад 250 орчим мянган хүүхэд дүрэмт хувцас авах захиалгаа БШУЯ-нд өгчээ. Өнгөрсөн жилийг хүртэл манай сурагчид Хятадад үйлдвэрлэсэн, чанар муутай материалаар оёсон дүрэмт хувцас өмсч байв. Ийм хувцас эдэлгээ, эрүүл ахуйн стандартын шаардлага хангахгүй тул ҮХААЯ, БШУЯ хамтран сурагчийн дүрэмт хувцасны жишиг загвар боловсруулж, улмаар шинэ стандарт тогтоосон. Энэ дагуу монгол хонины ноос болон ээрмэл утсаар дотооддоо үйлдвэрлэсэн хувцсаар сурагчдыг бүрэн хангах ажлыг өнгөрсөн жилээс зохион байгуулж эхэлсэн. Сурагчдын дүрэмт хувцасны цамц нь хүүхдийн биед шууд наалддаг тул 70 хувийн хөвөн даавуун материалтай байхаар тогтсон байна. Энэ талаар БШУЯ-ны Сургуулийн өмнөх бага боловсролын хэлтсийн дарга Б.Баттулгаас дараах зүйлийг тодрууллаа.
