 | |
Одоо Х.Тэмүүжин ажил хийлгэхгүй байна гэж гонгинох эрхгүй
Цагдаагийн албыг шинэчлэхэд хамгийн том саад тээг болж байсан Б.Билэгтийг Засгийн газар чөлөөлчихлөө. Салбарынхаа
сайдын эсрэг баримт цуглуулж, атгандаа хийхийг оролдсоны цаана гэмт хэрэг илрүүлэх гэсэн биш, харин ч сайдыгаа унагаж, шинэчлэлийг нь зогсоох, улмаар албан тушаал эрх, мэдлээ авч үлдэх гэсэн санаа давамгайлсан байх магадлал өндөр байгаа учраас түүнийг зүгээр албан тушаалаас нь халаад өнгөрвөл хайран л байна. Нөгөө талаар Х.Тэмүүжингийн хувьд энэ бол ялалт. Бас сургамж.
Б.Билэгтийн томилгоог тэр өөрөө хийсэн, гэвч итгэсэн хүн нь эргэж ноцсон. Энэ бол түүнийг хат суусан улстөрч болох, алхам бүрээ хянах ёстой гэдгийг ямар ч лекцэнд сууснаас илүү ойлгуулж өгсөн болов уу. Х.Тэмүүжин бол Засгийн газрын чухал фигур. Тийм ч учраас Засгийн газар нь эцсийн эцэст түүнийг дэмжиж, Б.Билэгтийг замаас нь зайлуулж өглөө. Ингэснээр тэрбээр "Х.Тэмүүжин шинэчлэлээ хийж чадахгүй нь бололтой” хэмээн эргэлзэж байсан хүмүүсийн эргэлзээг тайлж, эхэлсэн ажлаа дуусгах итгэл дүүрэн байгаагаа харууллаа. Мөн түүнчлэн байр суурь нь ямар бат бөх байгаа вэ гэдгийг өөрийнх нь эсрэг зогсч буй цагдаагийн бусад дарга нарт мэдрүүлсэн хэрэг боллоо.
