 | |
148 зорчигч тээвэрлэж явсан Германы онгоц Францад осолдлоо
Францын өмнөд бүс нутагт Германы агаарын
тээврийн "Germanwings” компанийн "Airbus A320” онгоц осолдлоо хэмээн
ВВС мэдээллээ. Испанийн Барселона хотоос Германы Дасселдорф хот руу
ниссэн тус онгоцонд нисэх багийн зургаан гишүүнээс гадна 142 зорчигч
явсан. Бүгд амьд үрэгдсэн байж болзошгүй” хэмээн Францын Ерөнхий сайд
Мануэл Уолс мэдэгдсэн байна. Мөн "Germanwings” компанийн 4U 9525
нислэгээр зорчиж явсан зорчигчид бүгд амь үрэгдсэн байж болзошгүй талаар
CNN агентлаг мэдээлжээ.Францын ерөнхийлөгч Франсуа Оллланд "Ослын шалтгаан нөхцөл одоогоор тодорхойгүй байна” хэмээн хэлсэн байна. Мөн тэрээр Германы канцлер Ангела Меркельтай утсаар холбогдож гүн эмгэнэл илэрхийлжээ. Испанийн хаан Фелип харамсалтай осол болсонтой холбогдуулан Францад хийх албан ёсны айлчлалаа цуцалж байгаагаа мэдэгджээ. Францын дотоод яамнаас мэдээлснээр, 4U 9525 нислэгийн онгоцноос хамгийн сүүлд орон нутгийн цагаар 10:47 (09:47 GMT) цагт дохио өгсөн байна.
Радарын мэдээллээс үзэхэд онгоц 11500 метрийн өндрөөс 2100 метр хүртэл ердөө зургаан минутын дотор доошилсон байна.
Одоогоор зорчигдын мэдээллийг нягтлан шалгаж байгаа ба эхний мэдээллээр зорчигдын 67 нь Германы иргэд байсан гэнэ.
Энэхүү харамсалтай үйл явдалтай холбогдуулан Германы Канцлер Ангела Меркель албан ёсны мэдэгдэл хийж, маргааш Франц улсад очихоор болсон гэдгээ мэдэгдлээ.
