 | |
Дээрэм, танхай, хулгайг бүлэглэн үйлддэг 29 хүнд ял оноолоо
Эрхэлсэн
тодорхой ажилгүй, 16-32 насны дээрх нэр бүхий 29 иргэний 26 хавтас
хэргийг Нийслэлийн Эрүүгийн давж заалдах
шатны 10 дугаар шүүхээр хэлэлцэн эцэслэн шийдвэрлэсэн байна. Эрхэлсэн тодорхой ажилгүй, 16-32 насны дээрх нэр бүхий 29 яллагдагчид холбогдох хэргийг Цагдаагийн Ерөнхий газрын Мөрдөн шалгах ажиллагаанд дэмжлэг үзүүлэх Мэргэжлийн газрын Хулгайлах гэмт хэрэг мөрдөн шалгах хэлтэс мөрдөн байцаалтын ажиллагаа явуулж дуусгасан байна.
Энэ хэрэгт Дүүргийн 2 дугаар прокурорын газраас хяналт тавьж Эрүүгийн хуулийн тусгай ангийн 98 дугаар зүйлийн 98.1, 96 дугаар зүйлийн 96.2.1, 96.2.5, 181 дүгээр зүйлийн 181.2.1, 181.2.5, 246 дугаар зүйлийн 246.1, 261 дүгээр зүйлийн 261.1, 145 дугаар зүйлийн 145.2, 147 дугаар зүйлийн 147.2 дахь хэсэгт зааснаар тус тус яллах дүгнэлт үйлдэж 26 хавтас хэргийг шүүхэд шилжүүлжээ.
Дүүргийн эрүүгийн хэргийн анхан шатны 2 дугаар шүүхээс 2014 оны 12 дугаар сарын 24-27-ний хооронд дээрх 29 холбогдогчид 3 жил 5 сараас 7 жил 1 сарын хугацаагаар тус тус хорих ялаар шийтгэсэн бөгөөд өнгөрсөн 7 хоногт буюу 2015 оны 03 дугаар сарын 17-ны өдөр Нийслэлийн Эрүүгийн давж заалдах шатны 10 дугаар шүүхээр уг хэргийг хянан хэлэлцэж анхан шатны шүүхийн шийтгэх тогтоолыг хэвээр баталж эцэслэн шийдвэрлэсэн байна.
