 | |
Сүхбаатар дүүргийн Монгол ардын намын хорооны залуучууд Сайн үйлсийн аян өрнүүллээ
Сүхбаатар дүүргийн Монгол Ардын намын хорооноос хойд хэсгийн 10 хорооны өндөр настан, ахмадуудад
туслах сайн үйлсийн аян зохион байгууллаа.
Монголчууд эрт дээр үеэсээ настан буурлуудаа хүндлэн дээдэлж, асран тэтгэдэг сайхан уламжлалтай билээ. Энэ зөв сайхан уламжлалыг залуучууд маань баримталж, тусламж дэмжлэг шаардлагатай ахмад настнуудад сар шинийн баяраас урьтан банш буузыг нь хийж өгөх, орчин тойрны хогийг цэвэрлэх, ус түлээг нь бэлтгэж өгөх, гэр орныг нь цэвэрлэх зэрэг ажлуудыг хийж нэг өдрийг хамт өнгөрүүлжээ.
Тус арга хэмжээг зохион байгуулагчид 4 хэсэгт хуваагдан ажилласан бөгөөд нийт 20 айлд сайхан сэтгэлийн гараа сунгаж, сар шинийн гарын бэлэг өгч, гэр орных нь ажилд тусалсан байна. Энэ үйл ажиллагаа цаашид ч үргэлжилж тусламж дэмжлэг шаардлагатай ахмад настнуудад хүрч ажиллах юм.
