 | |
Монгол залуугийн бөөрийг нь солино гээд дэлүүг нь авч нутаг буцаажээ
Монгол улсын иргэн Алтансүх бөөрний дутагдалд орсны улмаас бөөр шилжүүлэн суулгах шаардлагатай болжээ. Гэр бүлээс нь донор болох ёстой ч Алтансүхийн хувьд айлын ганц болохоор түүнд тохирох донор олдоогүй байна. Арга барахдаа цусны бүлэг өөр үеэл дүүгээ донор болгожээ.
Манай улсын хувьд цусны бүлэг ижил тохиолдолд бөөр шилжүүлэн суулгадаг байна. Харин цусны бүлэг өөр тохиолдолд цусны бүлгийг ижил болгох эмчилгээг гадаадад хийлгэж байж хагалгаанд ордог ажээ. Ингээд Алтансүх Монголд хагалгаанд орох боломжгүй болсон болохоор Солонгост Пак Кван Тэ хэмээх эмчээр дамжуулан цусны бүлэг өөрчлөх эмчилгээг сар гаран хийлгэжээ. Улмаар эмчилгээний хүрээнд залуугийн дэлүүг нь аваад, бөөрийг нь шилжүүлэн суулгана хэмээн хагалгаа хийжээ. Гэтэл залуугийн дэлүүг авсан ч бөөр шилжүүлэн суулгаагүй бөгөөд үүнийгээ эмч нар нь бөөр шилжүүлэн суулгах боломжгүй байна, донороо соль хэмээн тайлбарласан байна. Дэлүү нь цус төлжүүлэх үүрэг бүхий элэгний үйл ажиллагаанд дэмжиж оролцдог дайвар эрхтэн бөгөөд өнөөдөр залуу дэлүүгүй хэвээр байгаа юм.
Бөөрийг
нь сольж өгнө гээд дэлүүг нь авч, бөөрийг нь солилгүй эх орон руу нь
буцааж залууг цаг, мөнгө, сэтгэл санаагаар хохироосон байна.
Ингээд Алтансүх Сүхбаатар дүүргийн цагдаад хохирсон талаараа мэдээлж
өргөдөл өгсөн ажээ. Тэгтэл Пак гэх эмч "Тохиръё 20 сая төгрөг
өгье” гээд 13 сая төгрөг өгсөн байгаа юм. Ингэхдээ "Танай гэр бүл
болон Алтансүх чи өөрөө дахиж гомдол гаргахгүй гэж амла” гэж амлалтыг
нь авсны үндсэн дээр 20 сая төгрөг өгнө гэсэн ч 13 сая төгрөг өгсөн
бөгөөд үлдэгдэл долоон сая төгрөгийг хэзээ өгөх нь тодорхойгүй байгаа
юм байна.
Тиймээс энэхүү хэрэгт Босоо хөх Монгол, Дэлхийн Монгол ногоон нэгдлийнхэн Монгол хүний эрх ашиг зөрчигдөж байна гэж үзэн Сүхбаатар дүүргийн цагдаагийн хэлтэст хандсан байна.
Бид энэ хэргийн талаар эргэн мэдээлэх болно.
Эх сурвалж: www.dorgio.mn
