 | |
Хүүхдээ хөл нүцгэн гудамжинд хөөж гаргасан гэх ээжийг шалгаж байна
Цахим орчинд ... дугаар хороонд ээж нь хүүхэд рүүгээ хутга барьж хөөсний улмаас есөн настай хүүхэд хөл нүцгэн зугтаж байна гэх мэдээлэл түгсэн билээ. Тухайн хүүхдийг байрны оршин суугчид 108 дуудаж, улмаас нэг оршин суугч нь түр харгалзсан хэмээсэн юм.
Тэгвэл энэ талаар албаны эх сурвалжаас тодруулахад, Хан-Уул дүүргийн цагдаагийн газрын нэгдүгээр хэлтэст "108" дугаарын утаснаас өнөөдөр буюу аравдугаар сарын 13-ны 07.29 цагт "Есөн настай хүүхэд хөл нүцгэн байна" гэх дуудлага, мэдээлэл ирүүлснийг хүлээн авчээ.
Улмаар гомдол, мэдээллийн бүртгэлд авч, хүүхдийн асуудал хариуцсан алба хаагч нар үргэлжлүүлэн шалгаж байгаа аж.
Иргэд та бүхэн бага насны хүүхдийн хараа хяналтад анхаарч, ямарваа нэгэн байдлаар хүчирхийллийн хохирогч болж буйг чимээгүй өнгөрөөхгүйгээр, холбогдох албаны хүмүүст хандаж, хамтран ажиллахыг зөвлөж байна.
