 | |
МҮЭХ: 2025 он гэхэд цалин хөлсийг хоёр дахин нэмэгдүүлнэ
Монголын үйлдвэрчний эвлэлийн холбооны 23 дугаар их хурлаас гарсан шийдвэрийн талаар мэдээлэл хийлээ.
Хуралдаанаар МҮЭ-ийн холбооны ерөнхийлөгчөөр С.Эрдэнэбат 76.4 хувийн саналаар сонгогдсон юм. Үүнтэй холбоотойгоор МҮЭ-ийн холбооны ерөнхийлөгчөөр ажиллаж байсан Х.Амгаланбаатар шинээр сонгогдсон ерөнхийлөгч С.Эрдэнэбатад байгууллагын гэрчилгээ, тамгыг албан ёсоор өчигдөр хүлээлгэн өгчээ.
МҮЭХ-ны ерөнхийлөгч С.Эрдэнэбат "МҮЭХ 2030 он хүртэлх хөгжлийн хөтөлбөрийн бодлогоо зарлаж байна. Тус их хурлаас гарсан шийдвэрүүдэд хүний эрхийг зөрчих, ажлын байрны дарамтад оруулах, тэтгэврийн шинэчлэл хийх үйл ажиллагаанд манай холбооноос манлайлж ажиллана. Мөн барилгын осол гэмтлийн асуудал буюу ажлын байран дээр гэмтчихээд чимээгүй шийдэх зэрэг хууль бус үйлдлийг эцэслэнэ.Түүнчлэн, дундаж орлоготой иргэдийг 80 хувьд хүргэнэ. Энэ хүрээнд Монгол Улсын цалин, хөлсийг 2025 он гэхэд хоёр дахин нэмэгдүүлнэ. Мөн төрийн үйлчилгээний ТҮ1-ТҮ3 шатлалаар цалинждаг цэцэрлэгийн тогооч, эмч, манаач, үйлчлэгчийг хувийн хэвшилд шилжүүлэх гэрээт ажилтан болгох асуудлыг эсэргүүцэн УИХ, Засгийн газарт шаардлага тавиад байгаа" гэлээ.
