Вэб холбоос

Монгол Улсын шvvхийн байгууллага мөнгөтэй хүний халаасанд багтаж, хэргийг хялбар аргаар шийдэж ядарсан нэгнийг аавынд илгээдэг болсон гэх энэ үг зүгээр ч нэг цуу үг биш бололтой. Ийн хэлэхийн учир нь идэж уусан баримтыг нь АТГ-аас тогтоогоод байхад хэрэг нь тогтоогдохгvй байна, гэмт хэргийн бvрэлдэхvvнгvй гэдэг vндэслэлээр өнгөрсөн онд ХААИС-ийн захирал асан Б.Бямбаа нарын дөрвөн хvнд холбогдох их хэмжээний авлигын хэргийг шvvхийн байгууллага хэрэгсэхгvй болгож байсан түүхтэй.

Гэхдээ энэ хэрэг тийм ч амархан замхарч сураггvй болно гэж байхгvй гэх vгийг хуулийн байгууллагын эх сурвалж хэлж байсан юм. Өөрөөр хэлбэл, Б.Бямбаа нарт холбогдох хэргийг энэ сарын дундуур дахин хэлэлцэхээр болсон гэсэн vг.

Тодруулбал, Хөдөө аж ахуйн их сургуулийн захирлаар ажиллаж байсан Б.Бямбаа нарын дөрвөн хvнд холбогдох авлигын хэргийг өнгөрсөн оны зургаадугаар сарын 30-ны өдөр Дvvргийн Эрvvгийн хэргийн хоёрдугаар шvvхэд хянан хэлэлцээд хэргийг нь гэмт хэргийн бvрэлдэхvvнгvй хэмээн vзэж цагаатгах шийдвэрийг гаргаж байсан юм.

Харин шvvхийн энэхvv шийдвэрийг прокурорын газраас эсэргvvцэж, эсэргvvцэл бичснээр Эрvvгийн хэргийн анхан шатны II шvvхэд тэдэнд холбогдох хэргийг дахин шvvхээр болсон гэсэн vг.
Уг нь АТГ-ын мөрдөн байцаагчид Б.Бямбааг Хөдөө аж ахуйн их сургуулийн захирлаар ажиллаж байхдаа тус сургуульд 800 орчим сая төгрөгийн хохирол учруулсан. Ингэхдээ тус сургуулийн дэд захирал Ц.Амарсайханаар хуурамч тушаал гаргуулж, гэрээ материал бvрдvvлэн ерөнхий нягтлан бодогч Д.Янжмаагаар хууль бус гvйлгээ хийлгэсэн гэж vзэн энэхvv хэргийг Нийслэлийн прокурорын газарт шилжvvлж байсан юм.

Харин нийслэлийн Прокурорын газраас Монгол Улсын Эрvvгийн хуулийн Ерөнхий ангийн 35 дугаар зvйлийн 35.3 дахь хэсгийг журамлан мөн тусгай ангийн 150 дугаар зvйлийн 150.3 дахь хэсэгт зааснаар яллагдах vндэслэлтэй байна гэж яллах дvгнэлт vйлдэж, Дvvргийн эрvvгийн хэргийн хоёрдугаар шvvхэд шилжvvлж байжээ.

Эндээс харахад АТГ –аас улсын хөрөнгө шамшигдуулсан гэх эрvvгийн хэргийг прокурорын байгууллагад шилжvvлж, улмаар прокуророос яллах дvгнэлт vйлдэн шvvх рvv шилжvvлж байхад нэг нэгнийхээ хийсэн ажлыг ийнхvv vгvйсгэж гэмт хэрэгтний талд яагаад шийдвэр гаргаж тэдэнд дахин боломж олгох болов гэдэг нь хачирхалтай. Магадгvй vvний цаана ашиг сонирхолын зөрчил явж байгааг ч vгvйсгэхгvй юм.

Өөрөөр хэлбэл, хэргийг хэрэг биш болгодог жишиг хэдийнэ тогтсон байгааг нотолж буй баримттай хэрэг өдгөө Б.Бямбаагийн хэрэг гэж хэлж болохоор байгаа юм.
Угтаа бол Дvvргийн Эрvvгийн хэргийн хоёрдугаар шvvх чухам ямар хуулийн заалтыг vндэслэн тэдэнд холбогдох авлигын хэргийг, гэмт хэргийн бvрэлдэхvvнгvй хэмээн vзэж хэргийг цагаатгах болов оо гэдэг нь олон хvний анхаарлыг татаж буй юм.

Энэ бvхнээс харахад эрх мэдэлтэй, эд хөрөнгөтэй хvн хэрэг хийвэл цагааддаг, хэрэгсэхгvй болдог vйлдэл одоо бvр ил цагаандаа гарсныг гэрчилж байна гэж хэлэхэд нэг их хэтийдсэн болохгvй байх.

Уг нь ядруухан төсөвтэй Монгол Улс хэдэн шvvгчдээ хэнээс ч авлигал авалгvйгээр сайн ажилла хэмээн татвар төлөгчдийн мөнгөөр тэдэнд маш их хэмжээний цалин пvнлvv өгөх болсон. Манай улсад авлигад өртөөд байгаа салбар нь яах аргагvй шvvхийн байгууллага.

Тэд хэн нэгнээс авлигал авсаныхаа төлөө бусад хvмvvсийн эрхэнд халдаж, хэргийг буруу талд шийдэх нь олонтаа. Тиймдээ ч эрх баригчид тэдний цалинг ийнхvv өндөр тогтоосон гэсэн vг. Гэтэл зарим нэг шvvгчид идэж уусан баримтыг нь АТГ-аас хангалттай тогтоож өгсөөр байхад гэмт хэргийн бvрэлдэхvvнгvй гэдэг vндэслэлээр хэргийг хаачихна гэдэг юу гэсэн vг бэ.

Энэ мэтээр олны анхаарал татаж, улсын төсөв хийгээд төрийн өмчийн байгууллагад их хэмжээний хохирол учруулсан олон хэргийг, гэмт хэргийн бvрэлдэхvvнгvй хэмээж цагаан захтнуудын толгойг илээд байвал татвар төлөгчдийн мөнгөөр хэдхэн нөхөд л тансаглаж дуусах бололтой. Тиймээс л Монголд шударга шvvх байна уу.

Эх сурвалж: