 | |
У.Хүрэлсүх: Ёс зүйтэй төр байгаасай гэж хүсэж байгаа учир Монгол Улсын Ерөнхий сайд миний бие ёс зүйн хариуцлага хүлээх ёстой
Би монголын төрийг шударга, ард түмэндээ ээлтэй, иргэдийнхээ үгийг сонсдог, ард түмэндээ үйлчилдэг төр засаг байгаасай гэж боддог. Тиймээс ард иргэдийнхээ өгсөн итгэл найдварыг хариулахын төлөө хичээн зүтгэж ирсэн. Дэлхий нийтийг цочроож байгаа энэ цаг үед монголчууд бид ч хичээж ажиллаж ирсэн.
Энэ цар тахлыг давж гарахын тулд Монгол Улсын Засгийн газар бүхий л хүчээ дайчлан ажилласан. Бидний хийгдэж байгаа ажил өмнө нь хэзээ ч хийгдэж байгаагүй том ажлууд байсан. Гэхдээ хийж үзээгүй ажлыг хийхэд алдаа оноо гардаг.
Энэ алдаанаас болж миний танхимд ажиллаж байгаа хоёр сайд огцрох өргөдлөө өгсөн. Би цэргийн хүн. Дайны гал шугаман дээр өөрийнхөө командтай хамт тулаанд орж, ялбал хамт ялж, ялагдвал тэр довон дээрээ үхдэг нь тэр хүний хувь заяа байдаг. Тиймээс би энэ кабенитыг бүрдүүлэхдээ элэг бүтэн ажиллана гэж бодож, төлөвлөж ажилласан юм. Гэвч чадсангүй. Харамсаж байна. Ёсзүйтэй төр байгаасай гэж хүсэж байна" гэлээ.
Эх сурвалж: bolod.mn
