 | |
Видео
Шинэ мэдээ
М.Энхболд: Иргэдийнхээ итгэлийг дааж, бүх хүч чадлаа дайчлан ажиллана
2016 оны УИХ, нийслэлийн сонгуульд санал хураалтын үйл ажиллагаа улс орон даяар амжилттай явж өндөрлөсөн талаар СЕХ сая мэдээлэл хийлээ. Одоогийн бидэнд ирээд байгаа мэдээллээр Монгол Ардын намаас УИХ-д 63 нэр дэвшигч ялалт байгуулсан байна. Аймаг, нийслэлийн Иргэдийн төлөөлөгчдийн хуралд өрсөлдөгчдийн дүн гарчээ. Завхан аймгаас бусад 20 аймагт нийслэл хотод Монгол Ардын намын нэр дэвшигчид олонхи болжээ. Энэ сонгууль ирц өндөртэй ирж оролцсон нийт ард түмэндээ Монгол Ардын намын нэр дэвшигчдийг дэмжсэн бидний намын гишүүд, идэвхитэн сонгуультангууд мөрийн хөтөлбөр, манай нэр дэвшигчдийг дэмжиж саналаа өгсөн нийт ард түмэндээ Монгол Ардын нам чин сэтгэлээсээ талархал илэрхийлж байна. Улаанбаатар хотод болон аймаг орон нутагт манай намын штаб, нэр дэвшигчдийн багт ажилласан намын гишүүд, ухуулга сурталчилгааны ажилтнуудад талархал илэрхийлж байна. Монголын ард түмэн Монгол Ардын намд их найдвар хүлээлгэлээ. Энэ их итгэл найдварын ард асар их хариуцлага байгаа гэдгийг ойлгож байна. Хариуцлагыг бид дааж, итгэлийг бүрэн дүүрэн хариулж чадна гэдгээ цохон тэмдэглэмээр байна. Бид улс орныхоо эдийн засаг, нийгмийн өнөөгийн байдал, Монгол Улсын нэр хүнд уруудан доройтож байгааг засч залруулахын төлөө бүх хүч чадлаа дайчилж ажиллана.
Ц.Тунгаа
Санал болгох:
