|
Видео

Шинэ мэдээ

Уурхайд ажиллах 71 хятад иргэн хилээр орж иржээ

Уурхайд ажиллах 71 хятад иргэн хилээр орж иржээ


Монгол Улсын Засгийн газрын тогтоолын дагуу Сүхбаатар аймагт хөдөлмөр эрхлэхээр БНХАУ-ын 71 иргэн хилээр орж ирсэн байна. Одоогоор тэднийг мэргэжлийн байгууллагуудын хяналт дор тусгаарлалтад байгаа ажээ.

Дээрх тогтоолоор Сүхбаатар аймгийн хоёр уурхайд нийт 95 ажилтан орж ирэх ёстой юм байнаас одоогоор "Цайрт минерал" ХХК-д 56, Эм Эл цахиурт овоон уурхайд 15 хүн ирсэн. Ажилчид хилээр нэвтрэхдээ өөрийн улсдаа болон хилээр нэвтрээд шууд ЗӨСҮТ-ийн явуулын лабораторийн шинжилгээнд давхар хамрагдан, хариу нь хэвийн гэж гарсны үндсэн дээр Сүхбаатар аймагт хүргэгдэн иржээ. Одоо бүгд тус тусын уурхайн байранд тусгаарлагдаж байгаа аж.

Тусгаарлагдсанаас хойш долоо, 14 хоног тутамд коронавирусийн шинжилгээ авсан бөгөөд бүх хариу хэвийн буюу халдваргүй гэж гарчээ. 21 дэх хоног дээр дараагийн шинжилгээг хийх бөгөөд үүгээр мөн хэвийн гэж тогтоогдвол дээрх иргэд ажиглалтын байранд шилжих юм байна.


Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.