 | |
Нөөцийн махны өргөтгөсөн худалдаанд зөвхөн хонь, ямааны гулуузыг 6000-6500 төгрөгөөр худалдаална
Нийслэлийн хэмжээнд нөөцийн махны өргөтгөсөн худалдааг маргаашаас буюу тавдугаар сарын 2-ноос эхлэн 7 хоногийн турш зохион зохион байгуулахаар болжээ. Улаанбаатар хотын Захирагчийн ажлын албанаас Хотын Ерөнхий менежер тэргүүтэй албаныхан энэ талаар цахимаар мэдээлэл хийж байна.
Нийт 14 мянган тонн нөөцийн махыг 54 ААН-д хадгалж, 413 сүлжээ дэлгүүрүүдээр гуравдугаар сарын 11-наас худалдаалж байна. Нэг дэлгүүрт өдөрт 280 кг мах очдог. Одоогоор 2448 тонн махыг борлуулаад байгаа ба үлдсэн 10 мянган тооноос 4500 тонн махыг маргаашаас эхлэн долоо хоногийн хугацаанд 24 цэгийн гадна талбайд, зориулалтын хөргүүртэй автомашинаар худалдаалахаар төлөвлөжээ. НМХГ-ын зүгээс нөөцийн мах бэлдсэн ААН-үүдэд хадгалалтын горим, хөргүүрийн стандарт, чанар аюулгүй байдлыг хангаж байгаа эсэх, тухайн ажилчид нь эрүүл мэндийн үзлэгт хамрагдсан, мэргэжлийн эсэх, мөх борлуулах дэлгүүр нь стандартын шаардлага хангасан тоног төхөөрөмжтэй эсэхийг шалгаж, махных нь чанар аюулгүй байдалд лабораторийн шинжилгээг хийжээ.
Эхний удаад 16 ААН-ийн 4546 тонн махыг худалдаалах ба нөхцөл байдлыг харгалзан шаардлагатай гэж үзвэл хугацааг сунгана. Нөөцийн махны өргөтгөсөн худалдааны үеэр зөвхөн хонь, ямааны махыг гулуузаар нь зарна. Ингэхдээ хонины гулууз мах 6500, ямааны гулуузыг 6000 төгрөгөөр тус тус худалдаална. Өртөтгөсөн худалдааны үеэр ариун цэврийн байдлыг сайтар хангаж, ААН-үүдэд шаардлага тавьж ажиллана гэлээ.
