 | |
Видео
Шинэ мэдээ
Байлдааны сум зарж баригдсан Б.Баярааг 5 жил хоригдох ял хүлээж байгаа юу
Монголын төмөр замчдын Үйлдвэрчний эвлэлийн хорооны дарга Б.Баяраа нь байлдааны зориулалттай 2000 ширхэг сум заруулахаар завдсаныг үйлдэл дээр нь Эрүүгийн цагдаагийнхан илрүүлсэн байдаг. Энэ хэрэг 2019 оны 9 дүгээр сарын 30-нд болсон бөгөөд тус хэргийг Баянгол дүүргийн Цагдаагийн Хоёрдугаар хэлтэст бүртгэн шалгаж байгаа тухай өмнө нь бид мэдээллэсэн.
Энэ асуудлаар бид эргэн сурвалжлахад, Төмөр замчдын Үйлдвэрчний эвлэлийн хорооны дарга Б.Баяраа гэгч нь өөрийн дор ажилладаг Улаанбаатар төмөр замын Цэрэгжүүлсэн хамгаалалтын албаны Үйлдвэрчний хорооны дарга н.Мэндбаяр гэгчид байлдааны зориулалтын ТТ маркын гар бууны 2000 ширхэг сумыг тус албанд худалдан авахыг шахаж үүргэдсэн нь тогтоогджээ. Тиймээс Мэндбаяр нь Цэрэгжүүлсэн хамгаалалтын албаны ахлах байцаагч н.Эрдэнэчулуунд хууль бусаар худалдаалахаар дамжуулж байгаад үйлдэл дээрээ Эрүүгийн цагдаагийн албаны мөрдөгч нарт гардуулсан байна.
Уг хэргийг Баянгол дүүргийн цагдаагийн Хоёрдугаар хэлтсийн Мөрдөн байцаагч тасгийн мөрдөгч, цагдаагийн ахлах дэслэгч н.Цэрэнхүү хэрэг үүсгэн шалгаж байгаа бөгөөд хяналтын прокуророор н.Дүүрэнбилэг ажиллаж байгаа юм байна. Ойрын эх сурвалжаас өгсөн мэдээллээр хэргийг хаалгахаар Б.Баяраа гэгч их хөөцөлдөж байгаа бөгөөд тэр ч бүү хэл "2000-хан сум зарсан намайг яадаг юм, түүнээс том асуудлаа шалга” гэх мэтээр том том дуугарч байгаа хэдий ч цаанаа багагүй айдастай байгаагаас хэргийг шалгаж байгаа мөрдөгч, хяналт тавьж байгаа прокурор нарт нөлөөлөхөөр завдан танил талаараа олон нөхцөл байдлыг үүсгэж, нөлөөллийг бий болгох гэж удаа дараа төвөгтэй байдал үүсгээд байгаа тухай ам алдсан.
Наанаа том дуугарч цаанаа ихэд айдас тээсэн энэ хэргийг Эрүүгийн хуулийн 20 дүгээр зүйлийн 20.4.1-д зааснаар зүйчилж байгаа юм байна. Эрүүгийн хуулийн 20.4.1 хэсэгт, "байлдааны, хууль сахиулах зориулттай галт зэвсэг, галт хэрэгсэл, тэсэрч дэлбэрэх бодис, дэлбэлэгч төхөөрөмжийг хууль бусаар олж авсан, шилжүүлсэн, борлуулсан, тээвэрлэсэн, хадгалсан бол 5400 нэгжээс 27.000 нэгжтэй тэнцэх хэмжээний төгрөгөөр торгох эсхүл 1-5 жил хүртэлх хугацаагаар зорчих эрхийг хязгаарлах, эсхүл 1-5 жил хүртэлх хугацаагаар хорих ялаар шийтгэнэ” гэж заасан байна.
Эндээс харахад Б.Баяраа гэгчийн байлдааны зориулалтын сум зарсан хэрэг нь энгийн нэг зүйл биш бөгөөд 5 хүртэлх жилээр шоронд хоригдох, мөн өөрийн доор ажиллаж байгаа жирийн ажилтнаа гарах гарцгүй байдалд оруулж, гэмт хэрэгт хамтрагчаар татан оруулсан зүй бус байдал анзаарагдаж байгаа юм. Түүгээр зогсохгүй ажлын байран дахь дарамтыг өөрийн биеэр үзүүлж, сүүлдээ гэмт хэргийн хамтран зүтгэгчээр эрүүгийн ялллагдагч болгож буй нь хэрээс хэтэрсэн аймшигтай зүйл болжээ гэж хэлэхэд буруудахгүй. Тиймээс энэ асуудалд төмөр замын дарга нараас гадна Монголын үйлдвэрчний эвлэлийн нэгдсэн холбоо, Зам тээвэр хөгжлийн сайд ч анхааралдаа авч асуудлыг шийдвэрлэх шаардлага бий болсоныг сануулах юун…
wwww.Tac.mn
Санал болгох:
