 | |
Цахим засгийн газар – олон улсын туршлага
Дараа жил нь буюу 1996 онд АНУ-ын "Мэдээллийн эрх чөлөөний хууль”-д (The Freedom of Information Act) томоохон өөрчлөлт оруулж, Клинжер-Коэны "Мэдээллийн технологи ашиглалтад шинэчлэл өрнүүлэх тухай” хуулийг баталсан юм. Хожим 1998 онд "Төрийн байгууллагыг цаасан баримт бичгийн эргэлтээс салгах” хуулийг батлав.
Улмаар 1999 оны 12 дугаар сард Билл Клинтон – цахим засгийн газрын тухай, нийтийн тусын тулд мэдээллийн технологи ашиглах (Use of Information Technology to Improve Our Society) тухай хоёр санамж бичигт гарын үсэг зурлаа.
Чухам энэ үеэс АНУ-ын төрийн байгууллагын үйл ажиллагаанд цахим засгийн газрын төсөл өргөн цар хүрээтэй хэрэгжиж эхэлжээ. Төсөл хэрэгжүүлэх болсон үндсэн шалтгаан нь АНУ-ын иргэд тодорхой яам, албадад хандахаас бус, засгийн газарт хандахад бэрхшээлтэй байсан явдал. Энэхүү үндсэн дутагдлыг цахим технологи ашиглаж арилгах ёстой байв.
АНУ-д 1995-1999 онд интернэт хэрэглэгчдийн тоо дөрөв дахин өсөж тус улсын нийт хүн амын 40 орчим хувийг эзэлдэг болсон нь засгийн газрын цахим үйлчилгээнд шаардлагатай нийгмийн суурь-бааз бүрэлдсэн хэрэг юм.
Жорж Бушийн засаг захиргаа мэдээлэл, холбооны технологи (ICT- Information and Communication Technologies) ашиглан төрийн удирдлагын үйл ажиллагааг шинэчлэн зохион байгуулах ажлыг 2001 оны зунаас үргэлжлүүлж, удирдлагын өргөтгөсөн шинэчлэлийн шинэ хөтөлбөр хэрэгжүүлэх саналыг АНУ-ын Конгресст тавьжээ. Улмаар 2002 оны эхээр ажлын тусгай хэсэг "цахим засгийн газар байгуулах стратеги” боловсруулж, уг технологийг нэвтрүүлэхэд саад болж буй үндсэн дөрвөн бэрхшээлийг тодорхойлов.
— төрийн байгууллагад бизнес-процессын мэдээлэлжүүлэлт, автоматжуулалт сул;
— мэдээллийн тогтолцоо интеграцгүй - "аралжсан” автоматжуулалттай;
— төрийн байгууллагууд доторх өөрчлөлт шинэчлэлийг эсэргүүцэх хандлага
