 | |
Аса Аварга үерт автсан Монголчуудаа тоосонгүй юу?
Мэргэжлийн сумо бөхийн амьд домог болсон Их Аварга Асашёорюү Дагвадорж Монголын төдийгүй Япончуудын хайр хүндэтгэлийг хүлээсэн нэгэн. Японы 11 бүс нутагт сүүлийн 30 жил тохиолдоогүй үер буусан харамсалтай үйл явдал тохиолдоод буй. Харин энэхүү цаг мөчид Их Аварга тэдэнд тусламжийн гараа сунган 10000$ хандивлахаар болж ард иргэдийг мөн энэхүү ажилд нэгдэхийг уриалсан . Үүнтэй зэрэгцэн манай улсын зарим аймаг сумдуудад мөн үер буусан бөгөөд Их Аваргыг эх орныхоо ард иргэдэд хандив, тусламж үзүүлэхийг зарим иргэд шаардахад тэрээр "тэр таны эрх" хэмээн амыг нь таглав. Япончуудын олон жилийн туршид бидэнд үзүүлсэн хандив тусламжийн хариуд бид чадах чинээгээрээ туслах ёстой хэмээн үзэн зарим иргэд тус аянд нэгдэн хандив өргөж буй бол зарим хэсэг нь тэднийг буруутган эх орныхоо тулгамдаж буй асуудлуудыг шийдэхийг тэднээс шаардаж эхэлсэн бөгөөд Аса Аварга эх орноосоо илүүтэй харийн оронд анхаарлаа хандууллаа хэмээх шүүмжлэлд өртөөд байгаа ажээ.
Б.Болор
Эх сурвалж: Factnews.mn
