|
Видео

Шинэ мэдээ

Котошёогикү 3 аваргыг дараалан давж түрүүлэх боломжоо ахиулав

 

Японы мэргэжлийн сумо бөхийн 2016 оны анхны буюу нэгдүгээр сарын Хацү башёгийн 12 дахь өдрийн барилдаанд озэки Котошёогикү, 70 дахь Их аварга Харумафүжи Б.Бямбадоржийг давснаар сүүлийн 3 барилдаанд Их аваргуудыг дараалан унагаж энэ башёд түрүүлэх боломжоо улам лавшрууллаа. 

Энэ өдөр 10 даваа 1 унаатай явсан Харүмафүжиг нэг ч унаагүй яваа озэки Котошёогикү маш хүчтэй босч дэвжээний зах руу түрсэн төдийгүй аваргын хүчийг нь дагуулан мушгиад давлаа. Тэрбээр өнөөдөр 10 даваа 2 унаатай байгаа Тоёоношиматай учраа таарсан. Мөн Гоэйдо, Точиозан нар түүнтэй барилдаагүй бөгөөд оноолтоор таарах магадлал өндөр байна. Тоёоношимад ч түрүүлэх боломж гарсан болохоор тэд ширүүхэн тулах биз ээ.

Харумафүжигийн хувьд тэргүүлэгчийн гурав дахь эгнээнд бичигдэж эхэлсэн бөгөөд өнөөдөр озэки Кисеносатотой барилдана. 69 дэх Их аварга Хакүхо М.Даваажаргал 12 дахь өдөр озэки Гоэйдотой барилдаж 11 дэх даваагаа авсан. Өнөөдөр 71 дэх Их аварга Какүрюү М.Анандтай барилдана. Какүрюү өчигдөр Точиозаныг давсан.

 

Д.Өлзий

Эх сурвалж: "Монцамэ” агентлаг


Сэтгэгдэл

АНХААРУУЛГА: Уншигчдын бичсэн сэтгэгдэлд www.KINGNEWS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.