|
Видео

Шинэ мэдээ

28-05-2020, 09:50

Туул, Сэлбэ голыг өнөөдөр цэвэрлэнэ

Туул, Сэлбэ голыг өнөөдөр цэвэрлэнэ

 

Байгаль орчин, аялал жуулчлалын яам, Нийслэлийн Засаг даргын Тамгын газар, Туул голын сав захиргаа хамтран "Байгаль хамгаалах хаврын сарын аян”-ны хүрээнд өнөөдөр Туул, Сэлбэ голын эрэг дагуу цэвэрлэгээ хийнэ.
Тус аяныг "Эрүүл амьдралын үндэс иргэн таны оролцоо” уриан дор тэмдэглэж байгаа бөгөөд Улаанбаатар хотын ундны усны эх үүсвэр болсон Туул, Сэлбэ голын эрэг дагуух хог хаягдлыг цэвэрлэх ажилд төрийн болон төрийн бус байгууллага, аж ахуйн нэгжийн оролцоог нэмэгдүүлэх зорилготой юм.
Цэвэрлэгээнд Байгаль орчин, аялал жуулчлалын яам, Нийслэлийн Засаг даргын Тамгын газар,  Туул голын сав газрын захиргаа, Батлан хамгаалахын их сургууль, Цаг уур, орчны шинжилгээний газар, Цэнгэг усны нөөц, байгаль хамгаалах төв, Иргэний нисэхийн авто бааз, Ой судалгаа хөгжлийн төв, Монгол-Ус ТӨҮГ, Нийслэлийн боловсролын газар, Орон сууц нийтийн аж ахуйн удирдах газар, "Сэрүүлэг” их сургууль зэрэг нийт 10 байгууллагын 2000 гаруй хүн оролцох юм.
Тэд "Рийвэр бийч” амралтаас зүүн тийш Баянзүрхийн гүүр, Хар усан тохойгоос Гачуурт тосгон, Сэлбэ гол, Дунд голын  нийт 875 га талбайг 4 хэсэгт хуваагдан цэвэрлэгээ хийж байна. 

С.Наран 

www.unen.mn


Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.