Вэб холбоос

 

Өнгөрөгч долоо хоногт Шинэч­лэ­лийн Засгийн газрын тэргүүн Н.Ал­танхуяг Засгийн газрын бүт­цэд өөрчлөлт оруулах асуудлыг УИХ-д өргөн мэдүүлсэн юм. Дан­хар бүтцийг цомхон болгох энэ­хүү өөрчлөлттэй зэрэгцэн улс тө­рийн нам, иргэний хөдөлгөөнүүд да­хин хөдөлгөөнд орж эхэллээ.

Ту­хайл­­бал, УИХ-ын гишүүн У.Хүрэл­сү­хийн удирдлагад байдаг гэх Т.Аюур­сайхан гэх залуугийн дар­галдаг МАН-ын дэргэдэх Шинэч­лэлийн хороо Ерөнхий сайд Н.Ал­танхуягийг огцруулах санал асуул­га явуулж эхлэв. Тэрбээр, хэл­мэг­дэгсдийн хөшөөний дэргэд гэр барин санал асуулга явуулж байна. Ал­бан тушаалаас буусан энэ дөрвөн жил тэдэнд тэвчиж боломгүй са­нагдаж, хэлмэгдсэн юм шиг бодол тө­рүүлсэн бололтой. Энэ мэт нам­рын чуулганы нээлттэй зэрэгцэн иргэний хөдөлгөөн, улс төрийн намуудын улстөржилт шантааж, албан тушаал горилсон элдэв янзын жагсаал идэвхжлээ. Зарим нэг хэ­нээтэй нөхдүүд телевиз, сонины ре­дакци руу "заналхийлсэн” өнгө аяс­тай мэдэгдэл илгээж бидний жаг­саалыг ирж сурвалжил, тэ­гэхгүй бол тусгай зөвшөөрлийг чинь цуцлуулна, хаалтын гэрээ хий­сэн юм байна гэж ард түмэнд ойл­гуулна гэх мэтийн бичиг шидэж улс­төржиж байна. Тэд ард түмний өмнөөс гэж ярих дуртай.

Ард түмэн огцруулахыг шаардаж байна. Ард түмний хүслээр хэмээн ярих ч өөрс­дийнхөө үзэл бодлыг тулган хү­лээлгэх гэдэг нь үнэн. Ард түмэн ха­рин тэднээс тэс өөр бодолтой бай­даг. Тэгэхээр ард түмний санал бод­лыг хэрхэн сонсох вэ гэдэг асуудал ур­ган гарна. Өнөө цагт иргэд юу хүсч, ямар шийдвэр гаргахыг хүлээж байна вэ гэдэг асуудлыг маш амархан шийддэг болсон. Фэйс­бүүк, твиттер, интернэт, үүрэн телефоны санал асуулгаас гад­на мэр­гэжлийн судалгааны байгуул­лага, мэдээллийн сайтуудын явуулж байгаа санал асуулга худлаа бай­даггүй, бүрэн бус бодитой гардаг. Ард түмний өмнөөс яригчдын албан бич­гээс ялгаатай нь судалгаанд ямар хорооны хэн гэж иргэн оролцсон, хэдэн хүнийг сонгосон бэ гэдгээрээ ялгаатай. Санаатай цуглуулсан на­­мын гишүүдээс илүүтэй санам­сар­гүй байдлаар, эсвэл өөрөө сайн ду­раар сайтын санал асуулгад оролц­сон нь жин дарах нь тодорхой юм. Хамгийн сүүлийн жишээ гэхэд л өнгөрсөн хаврын чуулганаар МАН-ынхан ард түмэн давхар дээ­лээ тайлж, Засгийн газрыг огц­ро­хыг шаардаж байна хэмээн баа­хан улстөржсөн.

Харин нөгөө талд Монголын топ тэргүүлэгч сай­­тууд иргэдээс санал асуулга авч, судалгааны байгууллагууд ч нэгд­сэн байдлаар дүнгээ гаргахад улс төрийн тогтвортой байдал буюу Засгийн газрыг хөдөлгөөнд оруу­лах нь улс орны эдийн засагт сөр­гөөр нөлөөлнө гэсэн байр суурийг су­далгаанд оролцогчдын 70 орчим хувь нь баримталсан гэсэн дүн мэдээ гарч байсан билээ. Энэ удаад ч нэг талд ард түмний нэр барьсан улс төрийн намууд Ерөнхий сай­дыг огцруулахаар өргөх бичиг барьж, нөгөө талд судалгааны бай­гууллагууд өнөөгийн улс тө­рийн амьдралд хэн нь жинхэнэ улс­төрч, хэн илүү ажил хийгээд байгааг тодруулжээ. Тэдний дүн нь мэдээж эсрэг тэсрэг гарна. На­мын хэдэн гишүүдээсээ авсан улс төрийн намын судалгаагаар хам­гийн муу улстөрчөөр Ерөнхий сайд Н.Алтанхуяг, Ерөнхийлөгч Ц.Эл­бэгдорж, цаашлаад улс төрийн намуудын лидерүүдэд таалагдаагүй хүмүүс шалгарчээ.

Нөгөө талд су­далгаа шинжилгээний "Эс Ай Си Эй” компани Нийгмийн хөгжлийн нэгд­сэн хүрээлэнтэй хамтран  "Ний­гэм, эдийн засаг, улс төрийн өнөө­гийн байдал, олон нийтийн са­наа бодол” сэдэвт судалгааг ул­сын хэмжээнд хийж, шилдэг 10 улс­төрчийг шалгаруулсан бай­гаа юм. Судалгааны дүнгээс харахад өнөөх сө­рөг хүчний хамгийн муугаар нэр­лэж байсан Ерөнхийлөгч Ц.Эл­бэг­дорж, Ерөнхий сайд Н.Алтанхуяг нар эхний хоёр байрт орж араас нь Оюу­толгойн эсрэг тууштай тэмцэл өр­нүүлж буй УИХ-ын гишүүн С.Ган­баатар, Байгаль орчны салбарт чам­лахааргүй амжилт гарган, улс төрд хэдийнэ бэлтгэгдсэн С.Оюун, хууль зүйн салбарын шинэч­лэ­лийг эхлүүлэн хэрэгжүүлж буй Х.Тэ­мүүжин нар орсон байна. Мөн Их эвс­лийн Засгийн газрыг тэргүүлж бай­сан С.Баяр яах аргагүй шилдэг улс­төрчдийн нэгээр шалгарсан бай­гаа юм. Энд ямар нэг улс тө­рийн зорилго алга гэдэг нь дээрх жаг­саалтаас харагдаж байгаа юм.

Нэг намд үйлчилдэг байсан бол Шинэч­лэ­лийн Засгийн газрын хийж байгаа ажил, Оюутолгой, үйл ажиллагааны эсрэг тууштай тэмцэгч С.Ганбаатар шилдэгт багтах уу гэдгийг бодох л учиртай. Судалгааны байгууллагууд мөн сүүлийн гурван Засгийн газрын үйл ажиллагааг харьцуулан дүг­нэх судалгаа авчээ. Өмнөх болон одоо­гийн Засгийн газруудын үйл ажиллагаанд өгсөн иргэдийн дүг­нэлтээр Н.Алтанхуягийн ахалсан Шинэч­лэлийн Засгийн газар  21.4 хувь, С.Баярын Засгийн га­зар 18.2 хувь, С.Батболдын тэргүүл­сэн танхим 17.7 хувийн оноог цуг­луулсан байна. С.Баярын Засгийн газ­рын үед уул уурхай, нийг­мийн ха­ламж, мал аж ахуй, газар та­­риа­лангийн бодлогууд сайн хэрэгж­сэн гэсэн үнэлэлт авсан бол С.Бат­болдын Засгийн газрын үед эдийн засгийн өсөлт 17 хувьтай гарч, мөн л  уул уурхайн салбар нийг­мийн халамжийн бодлого сайн хэ­рэгжсэн гэсэн үнэлгээг авчээ.

Тэг­вэл Н.Алтанхуягийн Засгийн газар дэд бүтэц, үйлдвэржилт, барилга бү­тээн байгуулалтын салбарт түл­хүү хөгжиж байна гэсэн байна. Мөн авлига, хүнд сурталтай тэмцэх ажил Н.Алтанхуягийн Засгийн газ­рын үед сайн хэрэгжиж байна гэж иргэд үзжээ. Судалгаанд орол­цогчид аль Засгийн газар юугаараа илүү вэ гэдгийг хамгийн сайн мэ­дэрч чаджээ. С.Баярын таван төгөлдөршил, Атрын гуравдугаар аяныг Н.Алтанхуяг сайд хийж ча­дахгүй. Сү.Батболдын үед тэн­гэрт гарч байсан эдийн засгийн өсөл­тийг өнөөдөр мөрөөдөөд ч ирэхгүй. Харин Н.Алтанхуяг сай­­дын үед хийгдэж байгаа их бү­­тээн байгуулалт, дэд бүтэц, үйлд­­вэржилтийн их эрин үеийг Сү.Бат­болд, С.Баярын хэн нь ч хийж ча­даагүй учраас 21.4 хувийн араас тэгт­лээ хэрүүл хийж, улс төрийн шоу болгох шаардлагагүй юм.

Үнэн гэдэг хэзээд ч гашуун байдаг. Ажил хийж байгааг нь харлуулж, улс төрийн тогтворгүй байдлыг хүсэх нь сөрөг хүчний хийдэг ажил биш. Үнэхээр л ард түмний төлөө ажиллахыг хүсч байгаа бол ард түмэн биднийг хэрхэн дүгнэж вэ, бид тэдний үнэлэлт дүгнэлтээс юуг сурах ёстой, Ерөнхийлөгч Ц.Эл­бэгдорж, Ерөнхий сайд Н.Ал­танхуягаас юугаараа дутуу юм бэ гэдгээ одоо эргэж харан нягтлах учиртай. Эхний тавд багтаж ча­­даагүй алдаагаа өөрсдөөсөө эрэх учиртай. Ингэж чадвал ирэх өд­рүү­дэд ард түмэн С.Баярыг, М.Энх­бол­дыг шилдгээр нэрлэх ч юм бил үү.

Эх сурвалж: www.mminfo.mn

 

Tweet