|
Видео

Шинэ мэдээ

АТҮТ: Орон нутагт зорчихдоо даатгалтай автобусаар үйлчлүүлээрэй

АТҮТ: Орон нутагт зорчихдоо даатгалтай автобусаар үйлчлүүлээрэй

 

Иргэдийг хот хоорондын зорчигч тээврээр үйлчлүүлэхдээ Автотээврийн үндэсний төвтэй гэрээ байгуулсан, хөдөлгөөний аюулгүй байдлыг бүрэн хангасан, даатгалтай тээврийн хэрэгслээр үйлчлүүлэхийг зөвлөж байна.

Өчигдөр их хэмжээний цас орж, зам даваа хаагдан хальтиргаа, гулгаа үүссэн тул иргэдийн амь нас, эрүүл мэнд, эд хөрөнгийг болзошгүй гамшгаас урьдчилан сэргийлэх зорилгоор өнөөдөр 10.00 цаг хүртэл улсын хэмжээний зам, замын байгууламжийг хаасан.

Шийдвэртэй холбоотойгоор Автотээврийн үндэсний төв Замын цагдаагийн албатай хамтран Монгол улсын хэмжээнд улс, хот хоорондын нийтийн зорчигч тээврийн 30 тээврийн хэрэгслийн хөдөлгөөнийг хязгаарлажээ.

Улмаар 947 зорчигчдыг хамгийн ойр байрлах төв суурин газруудад байршуулах, буудалд хоноглуулах, Дархан-Уул, Говьсүмбэр аймгуудаас зорчигчдыг галт тэргэнд шилжүүлэн суулгах зэрэг арга хэмжээг авч, болзошгүй эрсдэлээс урьдчилан сэргийлсэн байна.

Тодруулбал,

  • Цаг агаарын нөхцөл байдлаас шалтгаалан 2016 оны 11 дүгээр сарын 13-ны өдрийн 13 цагаас хойш улс, хот хоорондын нийтийн зорчигч тээврийн үйлчилгээнд тээвэрлэлт гүйцэтгэхээр төлөвлөгдсөн 79 чиглэлийн 328 тээврийн хэрэгслийн хөдөлгөөнийг зогсоосон.
  • Шийдвэр гарахаас өмнө тээвэрлэлт гүйцэтгэж байсан 25 чиглэлийн 27 том оврын автобус, 3 суудлын тээврийн хэрэгслийг 14 байршилд зогсоон, Дархан-Уул аймгийн Автотээврийн төв дээр 26 зорчигч, Төв аймгийн Лүн сумын сургуулийн зааланд 44 зорчигч, бусад 743 зорчигч зочид буудалд тус тус хоноглуулах арга хэмжээг авч ажилласан.
  • Говьсүмбэр аймгаас 27 зорчигчийг Улаанбаатар хот руу, Дархан-Уул аймгаас 65 зорчигчийг Улаанбаатар хот руу, 42 зорчигчийг Орхон аймаг руу тус тус нийт 134 зорчигчийг галт тэргэнд шилжүүлэн суулгасан байна.

Сэтгэгдэл

АНХААРУУЛГА: Уншигчдын бичсэн сэтгэгдэлд www.KINGNEWS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.